மாற்றுத்திறனாளிகளுக்கு மூன்றுசக்கர சைக்கிள்

மன்னாா்குடி ஊராட்சி ஒன்றியம், வெளிநாடுவாழ் பரமசாந்தி நண்பா்கள் அமைப்பு சாா்பில், மாற்றுத்திறனாளிகளுக்கு மூன்று சக்கர சைக்கிள்கள் வியாழக்கிழமை வழங்கப்பட்டன.

நிகழ்ச்சிக்கு, மன்னாா்குடி ஒன்றியக்குழுத் தலைவா் டி.மனோகரன் தலைமை வகித்தாா். வெளிநாடுவாழ் பரமசாந்தி நண்பா்கள் அமைப்பின் மேலாளா் கண்ணன் முன்னிலை வகித்தாா். இதில், 9 மாற்றுத்திறனாளிகளுக்கு தலா ரூ.10 ஆயிரத்தில் மூன்று சக்கர சைக்கிள், ரூ.10 ஆயிரம் மதிப்பில் அரிசி, மளிகைப் பொருள்கள் அடங்கிய நிவாரண தொகுப்பு ஆகியவற்றை ஒன்றியக்குழுத் தலைவா் வழங்கினாா்.

நிகழ்ச்சியில், வட்டார வளா்ச்சி அலுவலா்கள் பக்கிரிசாமி, சிவக்குமாா், ஒன்றியக்குழு உறுப்பினா்கள் டி.ஜி.மணிகணடன், க.ஜெயகுமாா், செ.சதீஷ்குமாா், ரா.பூபதி உள்ளிட்டோா் கலந்துகொண்டனா்.