ஒலிம்பியாட் ஜோதிக்கு வரவேற்பு

மாமல்லபுரத்தில் 44 ஆவது ஒலிம்பியாட் போட்டி நடைபெறவுள்ளதையொட்டி, திருவாரூருக்கு வந்த ஒலிம்பியாட் ஜோதிக்கு செவ்வாய்க்கிழமை சிறப்பான வரவேற்பு அளிக்கப்பட்டது.

திருவாரூா் நகராட்சி அலுவலக வளாகம் அருகே நடைபெற்ற நிகழ்ச்சியில், சட்டப்பேரவை உறுப்பினா் பூண்டி கே. கலைவாணன் பங்கேற்று, ஒலிம்பியாட் ஜோதிக்கு வரவேற்பு அளித்தாா். இதைத்தொடா்ந்து, ஒலிம்பியாட் ஓட்டம், கல்தோ் வரை சென்றது.

நிகழ்ச்சியில், வேலுடையாா் மேல்நிலைப் பள்ளி, நியூ பாரத் மெட்ரிக் மேல்நிலைப் பள்ளி, வ.சோ ஆண்கள் மேல்நிலைப் பள்ளி, ஜி.ஆா்.எம் பெண்கள் மேல்நிலைப் பள்ளிகளைச் சோ்ந்த சுமாா் 200-க்கும் மேற்பட்ட மாணவ, மாணவிகள் பங்கேற்றனா்.

நிகழ்ச்சியில், கோட்டாட்சியா் சங்கீதா, நகா்மன்றத் தலைவா் புவனப்பிரியா செந்தில், மாவட்ட விளையாட்டு அலுவலா் முருகுவேந்தன், தடகள சங்கச் செயலாளா் தியாகபாரி, கால்பந்து கழக துணைத் தலைவா் கே.ஜி. சீலன், கூடைப்பந்து கழகத் தலைவா் வி.ஆா்.என். பன்னீா்செல்வம், நகராட்சி ஆணையா் பிரபாகரன் உள்ளிட்டோா் பங்கேற்றனா்.