சிறுபுலியூா் பெருமாள் கோயிலில் தேரோட்டம்

சிறுபுலியூா் கிருபாசமுத்திர பெருமாள் கோயில் தேரோட்டம் வியாழக்கிழமை நடைபெற்றது.

திருவாரூா் மாவட்டம், நன்னிலம் அருகே தயாநாயகி சமேத

கிருபாசமுத்திர பெருமாள் கோயில் உள்ளது. இக்கோயிலில் ஸ்ரீரங்கம் போன்றே பெருமாள் தெற்கு நோக்கி சன்னதி கொண்டு அருள்பாலித்து வருகிறாா்.

இக்கோயிலில் 10 நாள் பிரம்மோற்சவ விழா கடந்த ஜூன் 1-ஆம் தேதி கொடியேற்றத்துடன் தொடங்கியது. பிரம்மோற்சவத்தின் 9-ம் நாளான வியாழக்கிழமை காலை 6 மணியளவில் ஸ்ரீதேவி, பூமிதேவி சமேத கிருபாசமுத்திர பெருமாள் தேருக்கு எழுந்தருளினாா். காலை 9 மணி அளவில் தோ் வடம் பிடிக்கப்பட்டு 4 ரத வீதிகளிலும் சுற்றிவந்து மதியம் ஒரு மணிக்கு நிலையை அடைந்தது.

இந்து சமய அறநிலையத் துறை துணை ஆணையா் திருவாரூா் மணவழகன், செயல் அலுவலா் பா.முருகன் ஆகியோா் வடம்பிடித்துத் தேரோட்டத்தை தொடங்கிவைத்தனா். தேரோட்டத்தில் திருவாரூா் மற்றும் காரைக்கால் மாவட்டத்தைச் சோ்ந்த ஆயிரக்கணக்கான பக்தா்கள் கலந்துகொண்டனா்.

வியாழக்கிழமை மாலை தீா்த்தவாரி நடைபெற்றது. வெள்ளிக்கிழமை காலையில் திருமஞ்சனமும், மதியம் மூன்று மணி அளவில் புஷ்ப யாகம் நடைபெற்று, இரவு புஷ்ப பல்லக்கில் பெருமாள் வீதி உலா நடைபெறுகிறது. தொடா்ந்து கொடியிறக்கும் நிகழ்ச்சி நடைபெறும்.

சனிக்கிழமை விடையாற்றி உற்சவமாக திருமஞ்சனமும், ஊஞ்சல் சேவையும் நடைபெற உள்ளது.

ஏற்பாடுகளை கோயில் தக்காா் த.ராஜ்திலக், மேலாளா் க.வள்ளிகந்தன், கோயில் பட்டாச்சாரியாா் ஸ்ரீகாந்தன், கோயில் பணியாளா்கள் மற்றும் கிராம மக்கள் செய்திருந்தனா்.