வாழ்க்கை வழிகாட்டி நிகழ்ச்சி

மாவட்ட பிற்படுத்தப்பட்டோா் மற்றும் சிறுபான்மையினா் நல அலுவலகம், மாவட்ட வேலைவாய்ப்பு தொழில் நெறிமுறை மையமும் இணைந்து, விடுதி மாணவா்களுக்கு வாழ்க்கை வழிகாட்டி நிகழ்ச்சியை மன்னாா்குடியில் வியாழக்கிழமை நடத்தின.

நிகழ்ச்சிக்கு, மாவட்ட முதன்மைக் கல்வி அலுவலா் ஆ. தியாகராஜன் தலைமை வகித்தாா். வாழ்க்கை வழிகாட்டி என்ற தலைப்பில், திருவாரூா் மத்திய பல்கலைக்கழக உதவிப் பேராசிரியா் (சமூகப் பணிகள்) பி. உதயகுமாா், மன்னாா்குடி மின்வாரிய உதவிச் செயற்பொறியாளா் சா. சம்பத், மாவட்டக் கல்வி அலுவலா் ஆா். மணிவண்ணன், ஆலங்கோட்டை அரசு திருவள்ளுவா் மேல்நிலைப் பள்ளி ஆசிரியா் க. மனோரன் ஆகியோா் பேசினா்.

மாவட்ட வேலைவாய்ப்பு தொழில்நெறிமுறை மைய அலுவலா் வை. சந்திரசேகரன் வரவேற்றாா். மாவட்ட பிற்படுத்தப்பட்டோா் மற்றும் சிறுபான்மையினா் நல அலுவலா் பெ. விஜயன் நன்றி கூறினாா்.