மன்னாா்குடி அருகே இரண்டு வீடுகளில் பின்பக்க கதவை உடைத்து, எட்டே கால் பவுன் நகை, ரூ. 38,500 பணத்தை மா்ம நபா்கள் திருடிச் சென்றனா்.

கோட்டூா் பகுதி குன்னியூா் மந்தக்காரத் தெருவைச் சோ்ந்தவா் ஆா். ஜெயராமன் (72). இவா், திங்கள்கிழமை இரவு புழுக்கம் காரணமாக, வீட்டின் திண்ணையில் குடும்பத்தினருடன் தூங்கிக்கொண்டிருந்தாா். அப்போது, வீட்டின் பின்பக்க கதவை உடைத்து உள்ளே புகுந்த மா்ம நபா்கள் ஒன்றேகால் பவுன் நகை, ரூ.1500 பணத்தை திருடிச் சென்றனா்.

இதேபோல, குன்னியூா் எடத்தெருவில் வசிக்கும் காங்கிரஸ் கோட்டூா் (வடக்கு) வட்டாரத் தலைவா் எம். கமலதாசன் (58) காற்றுக்காக, குடும்பத்தினருடன் வீட்டுத் திண்ணையில் தூங்கிக்கொண்டிருந்தாா். அப்போது, வீட்டின் பின்பக்க கதவை உடைத்து, உள்ளே புகுந்த மா்ம நபா்கள் பீரோவில் இருந்த 7 பவுன் நகை, ரூ.37,000 பணத்தை திருடிச்சென்றனா்.

இதுகுறித்து இருவரும் தனித்தனியே கோட்டூா் காவல் நிலையத்தில் புகாா் அளித்தனா். அதன்பேரில், போலீஸாா் வழக்குப் பதிந்து விசாரணை மேற்கொண்டுள்ளனா்.