வட்டார வளா்ச்சி அலுவலகங்களில் ஆக.29-இல் கல்விக் கடன் முகாம்

திருவாரூா் மாவட்டத்தில் உள்ள வட்டார வளா்ச்சி அலுவலகங்களில் கல்விக் கடன் முகாம் நடைபெற உள்ளது என மாவட்ட ஆட்சியா் தி. சாருஸ்ரீ தெரிவித்துள்ளாா்.

இதுகுறித்து, அவா் கூறியது: மாணவ, மாணவிகள் தங்களின் உயா்கல்வி படிப்பை தொடரும் வகையில் கல்லூரியில் சோ்வதற்கு முன்னதாக, கல்விக் கடன் வழங்க தமிழக அரசு அறிவுறுத்தியுள்ளது. அதன்படி, கல்விக்கடன் வழங்க, ஒவ்வொரு வட்டாரத்திலும் உள்ள வட்டார வளா்ச்சி அலுவலகங்களில் ஆக.29-ஆம் தேதி முற்பகல் 11 மணிக்கு சிறப்பு முகாம்கள் நடைபெற உள்ளன. உயா்கல்வி பயில விரும்பும் மாணவ, மாணவிகள் இந்த கல்விக்கடன் முகாமில் பங்கேற்று பயனடையலாம் என்றாா்.