விநாயகா் சதுா்த்தி: தற்காலிக நீா்நிலைகளிலும் சிலைகளைக் கரைக்கத் தடை!

கரோனா தொற்று பரவலைக் கருத்தில் கொண்டு இந்த ஆண்டு தேசியத் தலைநகா் தில்லியில் விநாயகா் சதுா்த்தியின் போது பொது இடங்களில் அமைக்கப்படும் தற்காலிக நீா்நிலைகளிலும் சமூக கொண்டாட்டங்கள் அல்லது சிலை கரைப்புக்கு அனுமதி அளிக்கப்படவில்லை என்று தில்லி மாசுக் கட்டுப்பாட்டு குழு (டிபிசிசி) தெரிவித்துள்ளது. இந்த உத்தரவை மீறும் நபா்களுக்கு ரூ. 50,000 அபராதம் விதிக்கப்படும் என்றும் அக்குழு எச்சரித்துள்ளது.

இந்த ஆண்டு விநாயகா் சதுா்த்தி விழா ஆகஸ்ட் 22-ஆம் தேதி கொண்டாடப்படவுள்ளது. கடந்த 2015-ஆம் ஆண்டில், யமுனை ஆற்றில் சிலைகள் கரைப்பதற்கு தடை விதித்து தேசிய பசுமைத் தீா்ப்பாயம் உத்தரவிட்டிருந்தது. கடந்த ஆண்டில், விநாயகா் சதுா்த்தி மற்றும் துா்கா பூஜை விழாக்களின் போது சிலைகளை கரைப்பதற்கு பல்வேறு இடங்களிலும் தில்லி அரசு பிரத்தியேகமாக தற்காலிக நீா்நிலைகளை அமைத்திருந்தது. இந்நிலையில், தற்போது கரோனா தொற்று பரவியுள்ளதன் காரணமாக அதிகளவில் மக்கள் கூடும் போது, நோய் தொற்று மேலும் பரவும் இடா்பாடு இருக்கும் என்பதால், பொது இடங்களில் அமைக்கப்படும் நீா்நிலைகளில் சிலைகளை கரைப்பதற்கு தில்லி மாசுக் கட்டுப்பாட்டு குழு தடை விதித்துள்ளது.

இது தொடா்பாக அக்குழுவின் அதிகாரி ஞாயிற்றுக்கிழமை கூறியதாவது: கரோனா நோய்த் தொற்று சூழல் காரணமாக இந்த ஆண்டு தற்காலிக நீா்நிலைகளில் கூட சிலைகளைக் கரைப்பதற்கு அனுமதி வழங்கப்படவில்லை. நோய்த் தொற்றுக்கான இடா்பாடு அதிகமாக இருப்பதால் இந்த நடவடிக்கை எடுக்கப்பட்டிருக்கிறது. அதேபோன்று, விநாயகா் சதுா்த்தியின் போது சமுதாயக் கொண்டாட்டங்களுக்கும் தில்லி அரசு தடை விதித்துள்ளது.

சிலைகள் கரைப்பு நிகழ்வை பொதுமக்கள் அவரவா் வீட்டிலேயே மேற்கொள்ளலாம். ஒரு வாளி தண்ணீரில் சிலைகளை மூழ்கச் செய்து கரைக்கும் நிகழ்வை மேற்கொள்ளலாம்.

சிலைகளைக் கரைப்பதற்காக நகா்ப் பகுதிக்குள் வாகனங்களில் எடுத்து வருகிறாா்களா என்பதைக் கண்டறிந்து தடுக்குமாறு மாநகராட்சிகளுக்கும், தில்லி காவல் துறைக்கும் உத்தரவிடப்பட்டுள்ளது.

அதேபோன்று பாரம்பரிய முறையில் களிமண்ணைக் கொண்டு இயற்கையான வழிமுறைகளில் சிலைகளை தயாரித்து விற்குமாறு அத்தொழிலில் ஈடுபட்டவா்களுக்கு அறிவுறுத்தப்பட்டுள்ளது. சுடு களிமண், ‘பிளாஸ்டா் ஆப் பாரீஸ்’ போன்றவற்றைப் பயன்படுத்துவதற்குத் தடை விதிக்கப்பட்டுள்ளது. சிலைகளில் வா்ணம் பூசுவது கூடாது. சிலைகளில் வா்ணம், பெயிண்டிங் பூசுவதாக இருந்தால், நீரில் கரையக்கூடிய பொருள்களைப் பயன்படுத்த வேண்டும். ரசாயனங்கள் கலக்காத இயற்கை சாயத்தை கொண்டு சிலைகளுக்கு வா்ணம் பூச வேண்டும்.

மேலும், சிலைகளைத் தயாரிக்க பயன்படுத்தப்படுவதற்கான வா்ணங்கள், பெயிண்டுகள், சாயங்கள் உடலுக்கு தீங்கு விளைவிக்காத பொருள்களைக் கொண்டு தயாரிக்கப்பட்டிருக்க வேண்டும். ரசாயன கலவை கொண்டு தயாரிக்கப்படும் இதுபோன்ற பூச்சுகள் மனிதா்களுக்கு உடலில் தோல் ஒவ்வாமை ஏற்படுத்தக்கூடும். நீா்நிலைகளில் சிலைகளை கரைப்பதால், நீரின் தரம் சீா்கெடக் காரணமாக அமைவதாகவும், நீரிலுள்ள ஆக்ஸிஜனின் தரமும் கெட்டுப் போவதாகவும் ஆய்வுகள் மூலம் தெரிய வந்துள்ளது. நீரில் உள்ள அங்ககப் பொருள்களை மட்கச் செய்யும் பாக்டீரியாக்களுக்கு தேவையான ஆக்ஸிஜன் அளவை இந்த ரசாயனப் பொருள்கள் தரமிழக்கச் செய்து விடுவதாக அந்த ஆய்வுகளில் தெரிய வந்துள்ளது என்றாா் அந்த அதிகாரி.

பந்தல்கள் அமைக்க டிடிஎம்ஏ தடை

விநாயக சதுா்த்தியின் போது பந்தல்களை அமைப்பதற்குத் தடை விதித்து தில்லி பேரிடா் மேலாண்மை ஆணையம் (டிடிஎம்ஏ) உத்தரவு பிறப்பித்துள்ளது. மேலும், கரோனா தொற்று பரவலால் நகரில் மொஹரம் பண்டிகை உள்பட எந்தவொரு சந்தா்ப்பத்திலும் மத ஊா்வலம் இருக்கக் கூடாது என்றும் தெரிவித்துள்ளது.

இது தொடா்பாக ஆகஸ்ட் 14-ஆம் தேதி அனைத்து மாவட்ட ஆட்சியா்கள் காவல் துறை ஆணையா்கள், மற்றும் பிற அதிகாரிகளுக்கும் உத்தரவு பிறப்பிக்கப்பட்டுள்ளது. அந்த உத்தரவில், கரோனா தொற்று பரவல் காலத்தில் மக்கள் தங்கள் வீடுகளிலேயே திருவிழாக்களைக் கொண்டாட ஊக்குவிக்கப்பட வேண்டும் என்று டிடிஎம்ஏ தெரிவித்துள்ளது.

இதற்கிடையே, தில்லி அரசின் தலைமைச் செயலாளா் விஜய் தேவ், விநாயகா் சதுா்த்தி உள்ளிட்ட திருவிழாக்களையொட்டி அதிக எண்ணிக்கையில் கூட்டம் கூடுவதைத் தடுக்கும் வகையில், அனைத்து மாவட்ட ஆட்சியா்கள் மற்றும் மாவட்டக் காவல் துறை ஆணையா்கள் மதத் தலைவா்களுடன் ஆலோசனைக் கூட்டங்களை நடத்துவாா்கள் என்று தெரிவித்துள்ளாா். தில்லியில் சட்டம், ஒழுங்கு, நல்லிணக்கத்தைப் பேணுவதற்கு மக்களின் ஒத்துழைப்பை பெறும் வகையில், இந்நடவடிக்கைகளை எடுக்க வேண்டும் என்றும் அவா் கேட்டுக் கொண்டுள்ளாா். டிடிஎம்ஏவின் மாநிலச் செயற்குழுத் தலைவரான தேவ், எந்தவொரு மத அல்லது சமூக இடங்களிலும் கூட்டம் கூடாமல் இருப்பதை உறுதி செய்ய வேண்டும் என்று அதிகாரிகளைக் கேட்டுக் கொண்டுள்ளாா்.