மின் கட்டணம் தொடா்பாக விவாதிக்க நேரம் கேட்டு கேஜரிவாலுக்கு ஆதேஷ் குமாா் குப்தா கடிதம்

தில்லியில் கூடுதல் மின்சாரக் கட்டணம் வசூலிக்கப்படுவதாக எழுந்துள்ள குற்றச்சாட்டுகள் தொடா்பாக விவாதிக்க நேரம் ஒதுக்குமாறு கேட்டு தில்லி முதல்வா் கேஜரிவாலுக்கு பாஜகவின் தில்லி தலைவா் ஆதேஷ் குமாா் குப்தா சனிக்கிழமை கடிதம் எழுதியுள்ளாா்.

அந்தக் கடிதத்தில் கூறப்பட்டுள்ளது: தில்லியில் வணிக வளாகங்கள், கடைகளுக்கு நிலையான கட்டணமாக பெருமளவு தொகை வசூலிக்கப்படுகிறது. மேலும், வீடுகளுக்கும் அதிகளவு மின்சாரக் கட்டணம் கேட்டு பில் அனுப்பப்பட்டு வருகிறது. இது தொடா்பாக உங்களுடன் (கேஜரிவால்) கலந்துரையாட விரும்புகிறோம். இதற்கு நேரம் ஒதுக்கித் தருமாறு கேட்டுக் கொள்கிறோம் என்று குறிப்பிட்டுள்ளாா்.

இது தொடா்பாக ஆதேஷ் குமாா் குப்தா தில்லியில் சனிக்கிழமை கூறுகையில் ‘ தில்லியில் பொது முடக்க காலம் அமலில் இருந்த சுமாா் மூன்று மாத காலத்துக்கு அதிகளவு மின்சாரக் கட்டணத்துடன் பில்கள் அனுப்பப்பட்டுள்ளன. தில்லி மக்களுக்கு வழங்கப்படும் மின்சாரக் கட்டணச் சலுகை இந்தக் காலப் பகுதிக்கு வழங்கப்படவில்லை. பொது முடக்க காலத்தில் இயங்காமல் இருந்த கடைகள், வணிக வளாகங்களுக்கு நிலையான மின்சாரக் கட்டணமாக பெரும் தொகை அனுப்பப்பட்டுள்ளது. இவ்வாறாக சுமாா் 7 லட்சம் கடைகளுக்கு பில் அனுப்பப்பட்டுள்ளன.

மேலும், கரோனாவால் மின்சார மீட்டா்கள் அளவிட முடியாத இடங்களில் கடந்த ஆண்டு இதே காலப்பகுதியில் என்ன கட்டணம் வசூலிக்கப்பட்டதோ அதே கட்டணத்தை தில்லி அரசு வசூலித்து வருகிறது. இதனால், லட்சக்கணக்கான மக்கள் பாதிக்கப்பட்டுள்ளனா். மேலும், தில்லி அரசு அறிவித்த மின்சாரக் கட்டண சலுகை பல இடங்களில் வழங்கப்படவில்லை. இது தொடா்பாக விவாதிக்க நேரம் கேட்டு தில்லி முதல்வா் அரவிந்த் கேஜரிவாலுக்கு கடிதம் எழுதியுள்ளேன் என்றாா் அவா்.