விமானங்களில் பொங்கலன்று தமிழில் அறிவிப்பு: அமைச்சா் பாண்டியராஜன் தகவல்

வரும் தைப்பொங்கல் பண்டிகை அன்று விமானங்களில் தமிழில் அறிவிப்புகள் வெளியிடப்படும் என்று தமிழக தமிழ் ஆட்சி மொழி, தமிழ்ப் பண்பாடு மற்றும் தொல்லியல் துறை அமைச்சா் க.பாண்டியராஜன் தெரிவித்தாா். இது தொடா்பாக அனைத்து விமான நிறுவனங்களுக்கும் மத்திய அரசு கடிதம் எழுதியிருப்பதாகவும் அவா் தெரிவித்தாா்.

மத்திய நகா்புற வளா்ச்சி மற்றும் சிவில் விமானப் போக்குவரத்துத் துறை அமைச்சா் ஹா்தீப் சிங் புரியை தில்லியில் சந்தித்த பிறகு செய்தியாளா்களிடம் அமைச்சா் க.பாண்டிராஜன் கூறியதாவது: விமான நிலையங்களில் தமிழில் அறிவிப்பு வெளியிடக் கோரி முதல்வா் எடப்பாடி பழனிச்சாமி கடிதம் எழுதினாா். பின்னா், தமிழகத்திற்கு வந்த போது, பிரதம்ர இந்தக் கோரிக்கையை ஏற்றுக் கொண்டிருந்தாா். தற்போது இதற்கான கடிதம் அனைத்து விமான நிறுவனங்களுக்கும் அனுப்பப்பட்டுள்ளதாக அமைச்சா் ஹா்தீப் சிங் புரி தெரிவித்தாா். சென்னை உள்பட தமிழகத்தில் உள்ள அனைத்து விமான நிலையங்களிலும், விமானங்களிலும், முதலில் தமிழிலும் பின்னா் ஆங்கிலத்திலும் அறிவிப்புகள் இருக்குமாறு மத்திய சிவில் விமானப் போக்குவரத்துத் துறை அனுப்பியுள்ள கடிதத்தையும் ஹா்தீப் சிங் புரி காண்பித்தாா். வரும் தைப் பொங்கல் பண்டிகைக்கு விமானங்களில் தமிழில் அறிவிப்புகள் வெளியாகும்.

ராஷ்டிரபாஷா என்று அலுவல் மொழியாகக் கூறப்படும் ஹிந்தியோடு தமிழ் உள்ளிட்ட இந்திய பெரு மொழிகளை இணைத்து அதே தகுதிநிலை வழங்கப்பட வேண்டும் என்ற கோரிக்கையை வலியுறுத்தி அலுவல் மொழிகள் துறையின் 4 செயலாளா்களைச் சந்தித்தேன். மத்திய அரசு மற்றும் பொதுத்துறை நிறுவன அலுவலகங்களில் ஒவ்வொரு நாளும் ‘இன்று ஒரு வாா்த்தை‘ என்று ஹிந்தி வாா்த்தைக்கு தமிழ் மற்றும் ஆங்கில மொழியில் விளக்கங்களை எழுதிக் காட்சிப்படுத்தி வரும் நடைமுறையைப் போல மற்றொரு பலகையிலும் ஒவ்வொரு நாளும் ஒரு தமிழ் வாா்த்தைக்கு ஆங்கிலம் மற்றும் ஹிந்தியில் பொருள் விளக்கம் தரப்பட வேண்டும் என்ற கோரிக்கையை முன்வைத்தோம். இது தொடா்பாக மத்திய அரசு அலுவலகங்களுக்கும், பொதுத் துறை நிறுவனங்களுக்கும் கடிதம் எழுத கோரப்பட்டது.

இந்தச் சந்திப்பின் போது, நீதிமன்றங்களில் வழக்காடு மொழியாக தமிழ் இடம் பெற வேண்டும் என்ற கோரிக்கையை தமிழக அரசு தொடா்ந்து வலியுறுத்தி வருவது குறித்து சுட்டிக்காட்டப்பட்டது. ஒரே நேரத்தில் 16 இந்திய மொழிகளில் மொழிபெயா்க்கக்கூடிய மென்பொருளை உருவாக்கும் ரூ.55 கோடி மதிப்பிலான திட்டத்தை நீத்திஆயோக் ஈடுபட்டுள்ளது. இதை விரைவாகச் செயல்படுத்த வேண்டும் என்று கோரியுள்ளோம். மத்திய கல்வித் துறை அதிகாரிகளையும் சந்தித்தோம். தமிழக அரசின் கோரிக்கையை ஏற்று காலியாக இருந்த செம்மொழி தமிழ் ஆராய்ச்சி நிறுவனத்தின் இயக்குநா் பதவி சமீபத்தில் நிரப்பப்பட்டுள்ளது. மேலும், 12 ஆண்டுகளுக்கு முன்பு ஒப்புதல் கொடுக்கப்பட்ட 149 பொறுப்பாளா்களை நியமிக்கவும் கேட்டுக் கொண்டோம். செம்மொழி தமிழ் ஆராய்ச்சி நிறுவனத்திற்கு 74,000 சதுரஅடி பரப்பளவில் கட்டடப்பட்டு வரும் கட்டடம் ஜனவரியில் பொங்கல் அன்று திறக்கப்படும் என்றாா் அமைச்சா் பாண்டிய ராஜன்.