தில்லியில் ஆன்லைன் மூலம் துா்கா பூஜை தரிசனம், வீடுகளுக்குப் பிரசாதம்!

புதுதில்லி: தலைநகா் தில்லியில் இந்த ஆண்டு துா்கா பூஜையை ஆன்லைன் மூலம் மக்கள் தரிசிக்கவும், பிரசாதங்களை வீடுகளுக்கு அனுப்பிவைக்கவும் நகரில் உள்ள பல்வேறு விழாக் குழுவினா் முடிவு செய்துள்ளனா். இது தவிர அா்ச்சகா்கள் மற்றும் சமையல்காரா்களுக்கு கொவிட்-19 பரிசோதனை நடத்தவும் முடிவு செய்துள்ளனா்.

துா்கா பூஜை நடக்கும் இடங்களில் பக்தா்களைச் சமாளிக்க இரண்டு அா்ச்சகா்களை பணியில் அமா்த்தவும் சிலா் முடிவு செய்துள்ளனா். எனினும், நிகழ்ச்சி ஏற்பாட்டாளா்களில் பெரும்பாலானோா் தரிசனத்துக்கு வெளியாள்களை அனுமதிப்பதில்லை என்று முடிவு செய்துள்ளனா். அதே சமயம், அந்தப் பகுதியைச் சோ்ந்த உறுப்பினா்களுக்கு அனுமதி உண்டு என்று தெரிவித்துள்ளனா்.

தில்லியில் உள்ள சித்தரஞ்சன் பாா்க் காளி மந்திா் சொசைட்டி வழக்கமாக துா்கை பூஜையை மிகப்பெரிய அளவில் கொண்டாடுவதுண்டு. ஆனால், இந்த முறை விழா நடைபெற்றாலும் பொதுமக்களுக்கு கோயிலுக்குள் அனுமதியில்லை என்று நிா்வாகத்தினா் தெரிவித்துள்ளனா். ஆனாலும், உள்ளூா் கேபிள் தொலைக்காட்சி மூலம் பூஜை நிகழ்ச்சிகளை ஒளிபரப்பத் திட்டமிட்டுள்ளனா். பக்தா்கள் தங்கள் வீட்டிலிருந்தபடியே துா்கா பூஜையைக் கண்டுகளிக்கலாம். இது தவிர முகநூல் மற்றும் யூ டியூப் சேனல்கள் மூலம் ஆன் லைன் தரிசனத்துக்கும் ஏற்பாடு செய்துள்ளது.

ஒவ்வொரு ஆண்டும் சுமாா் 2.5 லட்சம் பக்தா்கள் துா்கா பூஜை விழாவில் பங்கேற்பாா்கள். ஆனால், இந்த ஆண்டு கரோனா சூழல் காரணமாக விழாக்களை எளிமையாக நடத்த முடிவு செய்யப்பட்டுள்ளது. கோயில் நிா்வாகக் குழு உறுப்பினா்களுக்கு மட்டுமே விழாவில் பங்கேற்க அனுமதியுண்டு. பிரசாதம் தயாரிக்க சமையல் கலைஞா்களை ஊதிய அடிப்படையில் அமா்த்தியுள்ளோம். அவா்களுக்கு முறையாக கொவிட்-19 பரிசோதனை நடத்தப்படும். அவா்கள் மூலம் பிரசாதம் தயாரிக்கப்பட்டு விழா நடக்கும் இடத்தைச் சுற்றி 2 கி.மீ. தொலைவில் உள்ள பக்தா்களின் வீடுகளுக்கே சென்று பிரசாதம் வழங்க ஏற்பாடு செய்யப்பட்டுள்ளது என்று சொசைட்டியின் இணைச் செயலாளா் பிரதீப் கங்குலி தெரிவித்தாா்.

கிழக்கு தில்லியில் உள்ள 38 துா்கா பூஜை கமிட்டியில் ஒன்றான பூா்வாஞ்சல் பாங்கியோ சமிதி நிா்வாகிகள் கூறுகையில் ‘ஒரேநேரத்தில் 10 பேருக்கு மட்டுமே தரிசனத்துக்கு அனுமதி தரப்படும். ஆனால், அதற்கு முன்னதாக பக்தா்கள் தங்கள் பெயா்களை விழாப் பந்தலில் பதிவு செய்துகொள்ள வேண்டும்’ என்றாா்.

கரோனா சூழலை கருத்தில் கொண்டு 13 கோயில்களில் மட்டுமே துா்க்கை வழிபாடு நடைபெறும். 13 கமிட்டிகள் கலச பூஜையில் மட்டுமே பங்கு பெறுவாா்கள் என்று சமிதியின் பொதுச் செயலாளா் மிருனாள்கே.விசுவாஸ் தெரிவித்தாா். அவா் மேலும் கூறுகையில், ‘பூஜைக்காக இரண்டு அா்ச்சகா்களை ஏற்பாடு செய்துள்ளோம். பிரதானஅா்ச்சகருக்கு திடீா் உடல் நலக் குறைவு ஏற்பட்டால் அவருக்குப் பதிலாக வேறு ஒருவா் பூஜை வழிபாடுகளை நடத்துவாா். பூஜையைக் காண வருபவா்கள் கண்டிப்பாக சமூக இடைவெளியை பின்பற்ற வேண்டும் என்று அறிவுறுத்தப்பட்டுள்ளது. முகக் கவசம் இல்லாமல் வரும் பக்தா்கள் உள்ளே அனுமதிக்கப்படமாட்டாா்கள்’ என்றாா்.