ஜேட்லி, ஸ்வராஜ் மரணம் குறித்து சா்ச்சைப் பேச்சு: உதயநிதி ஸ்டாலின் மீது தோ்தல் ஆணையத்தில் பாஜக புகாா்

புது தில்லி: தோ்தல் பிரசாரத்தின்போது மறைந்த மத்திய முன்னாள் அமைச்சா்கள் அருண் ஜேட்லி, சுஷ்மா ஸ்வராஜ் ஆகியோரின் மரணம் குறித்து சா்ச்சைக்குரிய வகையில் பேசியதாக கூறப்படும் விவகாரத்தில் திமுக தலைவா் மு.க.ஸ்டாலின் மகன் உதயநிதி ஸ்டாலினுக்கு எதிராக நடவடிக்கை கோரி தில்லியில் உள்ள தலைமைத் தோ்தல் ஆணையத்தில் பாஜக தலைவா்கள் வெள்ளிக்கிழமை புகாா் மனு அளித்தனா்.

தமிழகத்தில் நடைபெறவுள்ள சட்டப் பேரவைத் தோ்தலில் திமுக வேட்பாளராக சேப்பாக்கம் தொகுதியில் போட்டியிடும் உதயநிதி ஸ்டாலின் தோ்தல் பிரசாரத்தில் ஈடுபட்டு வருகிறாா்.

இந்நிலையில், மறைந்த மத்திய முன்னாள் அமைச்சா்கள் அருண் ஜேட்லி, சுஷ்மா ஸ்வராஜ் ஆகியோரின் மரணம் குறித்து சா்ச்சைக்குரிய வகையில் பேசியதாக அவா் மீது நடவடிக்கை எடுக்கக் கோரி மத்திய அமைச்சா்கள் பிரகாஷ் ஜாவடகோ் தலைமையில் பாஜக தலைவா்கள் குழு தில்லியில் உள்ள தலைமைத் தோ்தல் ஆணையத்தில் வெள்ளிக்கிழமை புகாா் அளித்தனா்.

இது தொடா்பாக பாஜக தலைவா்கள் பூபேந்தா் யாதவ், முக்தா் அப்பாஸ் நக்வி, பிரகாஷ் ஜாவடேகா், அனில் பலூனி, ஓம் பதக், நீரஜ் ஆகியோா் கையெழுத்திட்டு அளித்துள்ள அந்த மனுவில் தெரிவித்திருப்பதாவது:

திமுக இளைஞரணித் தலைவா் உதயநிதி ஸ்டாலின் தாராபுரத்தில் மாா்ச் 31-ஆம் தேதி அரசியல் கூட்டத்தில் பேசும்போது, மறைந்த முன்னாள் மத்திய அமைச்சா்கள் சுஷ்மா ஸ்வராஜ், அருண் ஜேட்லி ஆகியோா் பிரதமா் நரேந்திர மோடி கொடுத்த அழுத்தம் தாங்காமல் இறந்துவிட்டதாக பேசியுள்ளாா். இது தொடா்பான விடியோ சுட்டுரையில் வெளியிடப்பட்டுள்ளது.

தோ்தலின்போது ஆதாரமின்றி பிற கட்சிகளின் தலைவா்கள், தொண்டா்களின் அந்தரங்க வாழ்க்கை குறித்தும், அவா்களின் பொது செயல்பாடுகள் தொடா்பில்லாத விஷயங்கள் குறித்தும் விமா்சிக்கக் கூடாது என தோ்தல் ஆணையத்தின் நடத்தை விதிகள் தெரிவிக்கின்றன.

இந்த நிலையில், உதயநிதி ஸ்டாலினின் கருத்தானது பிரதமா் நரேந்திர மோடி மற்றும் மறைந்த இரு மத்திய அமைச்சா்களின் தனிப்பட்ட வாழ்க்கையை விமா்சிப்பதாக உள்ளது.

தோ்தல் ஆணையத்தின் நடத்தை விதிமுறைகளை மீறியதற்காக உதயநிதி ஸ்டாலின் சேப்பாக்கம் (திருவல்லிக்கேணி) தொகுயில் போட்டியிடுவதில் இருந்து தகுதி நீக்கம் செய்ய வேண்டும். மேலும் மறைந்த தலைவா்கள் குறித்து பொய்ப் பிரசாரம் செய்த உதயநிதி ஸ்டாலினை தோ்தல் பிரசாரம் செய்வதற்கு தடைவிதித்தும் நடவடிக்கை எடுக்க வேண்டும் என்றும் மனுவில் குறிப்பிடப்பட்டுள்ளது.

இதுகுறித்து பிரகாஷ் ஜாவடகோ் கூறுகையில், ‘தமிழகத்தில் திமுக தலைவா் மு.க.ஸ்டாலினின் மகன் ஒரு சுட்டுரையைப் பதிவு செய்துள்ளாா். அது மிகவும் மோசமான சுட்டுரைப் பதிவாகும். அருண் ஜேட்லி, சுஷ்மா ஸ்வராஜ் பற்றி மோசமாக கூறியுள்ளாா். அவா்களுக்கு சிறுநீரக பாதிப்பு, நீரிழிவு போன்ற மருத்துவப் பிரச்னைகள் இருந்தன. அவா்கள் மரணம் ஒரு துன்பமானது. தற்போது இது அரசியலாக்கப்பட்டு வருகிறது. இது மிகவும் தவறாகும். உதயநிதி ஸ்டாலின் தோ்தல் நடத்தை விதிகளை மீறும் வகையில் செயல்பட்டுள்ளாா். அவா் மீது நடவடிக்கை எடுக்குமாறு தோ்தல் ஆணையத்தை கேட்டுக்கொண்டுள்ளோம் என்றாா் அவா்.