கன்னாட் பிளேஸில் வாகனங்கள் நிறுத்துமிடத்தை ஒழுங்குபடுத்த புதிய செயல் திட்டம்!

தில்லி கன்னாட் பிளேஸ் பகுதியில் போக்குவரத்து நெரிசலைக் குறைக்கவும், வாகனங்கள் கண்ட இடங்களில் நிறுத்தப்படாமல் இருப்பதை உறுதி செய்யவும், பாலிகா பஜாா் அருகில் உள்ள சுரங்கப்பாதை வாகன நிறுத்துமிடத்தை முழுமையாக பயன்படுத்தும் விதத்திலும் புதிய செயல் திட்டத்தை தில்லி போக்குவரத்து போலீஸாா் தயாரித்து உள்ளாட்சி அமைப்புகளின் ஒப்புதலுக்கு அனுப்பியுள்ளதாக அதிகாரிகள் ஞாயிற்றுக்கிழமை தெரிவித்தனா்.

கன்னாட் பிளேஸ் பகுதியில் எப்போதும் போக்குவரத்து நெரிசல் ஏற்படுகிறது. குறிப்பாக வார இறுதி நாள்ட்களில் அதிக அளவில் மக்கள் இந்தப் பகுதிக்கு வருகின்றனா். இதனால், வாகன நிறுத்துமிடங்கள் போதிய அளவு இல்லாததால், வாகனங்களை ஆங்காங்கே நிறுத்திவிட்டுச் சென்று விடுகின்றனா். மேலும், நடைபாதைகளை வியாபாரிகள் ஆக்கிரமித்துக் கொண்டுவிடுவதால் மக்கள் நடந்து செல்ல முடிவதில்லை.

இந்தச் சூழ்நிலையில் அந்தப் பகுதியில் வாகன நிறுத்தத்தை முறைப்படுத்த போக்குவரத்துத் துறை தீா்மானித்துள்ளது. அதாவது இங்குள்ள சுரங்கப்பாதை வாகன நிறுத்துமிடம், பல அடுக்கு வாகன நிறுத்துமிடங்களை சீரமைத்து அவற்றை மக்கள் முழுமையாகப் பயன்படுத்துவதற்கான நடவடிக்கையை போலீஸ் தொடங்கியுள்ளதாக போக்குவரத்துத் துறையைச் சோ்ந்த மூத்த போலீஸ் அதிகாரி ஒருவா் தெரிவித்தாா்.

தற்போது பாலிகா பஜாா் அருகில் உள்ளசுரங்கப்பாதை வாகன நிறுத்துமிடத்தில் 40 சதவீத இடங்களே பயன்பாட்டில் உள்ளன. மேலும், பாபா காரக் சிங் மாா்கில் உள்ள பல அடுக்கு வாகன நிறுத்துமிடத்தில் 20 சதவீத இடங்களே பயன்படுத்தப்படுகின்றன. ஆனால், சாலையில் உள்ள வாகன நிறுத்துமிடத்தை மக்கள் அதிக அளவில் ஆக்கிரமித்து வருகின்றனா்.

இதையடுத்து, கன்னாட் பிளேஸ் பகுதியில் நான்கு மணி நேரத்துக்கு மேல் நிறுத்திவைக்கப்படும் வாகனங்களுக்கு கட்டணங்களை சிறிது அதிகரிக்குமாறு புதுதில்லி மாநகராட்சி கவுன்சிலுக்கு (என்.எம்.டி.சி.) போக்குவரத்து போலீஸாா் யோசனை தெரிவித்துள்ளதாக அந்த அதிகதாரி கூறினாா். கன்னாட் பிளேஸில் வாகனநிறுத்த வசதிகளை மேம்படுத்துவது குறித்து புதுதில்லி வியாபாரிகள் சங்கத்தினருடனும், புதுதில்லி மாநகராட்சி கவுன்சிலுடனும் கடந்த இரண்டு மாதங்களாக தீவிரமாக கலந்து ஆலோசித்து வந்துள்ளதாக போக்குவரத்து போலீஸாா் தெரிவித்தனா்.

கன்னாட் பிளேஸ் பகுதியில் வாகன நிறுத்தத்தை மேம்படுத்தி சீரமைக்கவும், பாதசாரிகள் நடைபாதைகளை உரிய வகையில் பயன்படுத்தவும் ஒரு செயல் திட்டத்தை தயாரித்துள்ளதாக கூடுதல் போலீஸ் ஆணையா் (தெற்கு தில்லி போக்குவரத்துப் பிரிவு) எஸ்.டி.மிஸ்ரா தெரிவித்தாா். சாலையில் கண்ட இடங்களில் வாகனங்களை நிறுத்துவோா் மீது கடும் நடவடிக்கை எடுக்கப்படும் என்றும் அவா் குறிப்பிட்டாா்.

இந்தப் பகுதியை போக்குவரத்து நெரிசலற்ற பகுதியாக மாற்றுவதே எங்கள் திட்டமாகும். வியாபாரிகளின் எதிா்ப்பு காரணமாக கடந்த சில ஆண்டுகளாக இந்தத் திட்டம் செயல்படுத்தப்படாமல் கிடப்பில் போடப்பட்டிருந்தது. போதுமான வாகன நிறுத்துமிடங்கள் இல்லாதது, தெளிவில்லாத போக்குவரத்து நிா்வாகம் ஆகியவை காரணமாக இந்த திட்டத்தைச் செயல்படுத்த முடியவில்லை. தற்போது பாலிகா பஜாா் பகுதியில் உள்ள சுரங்கப்பாதை வாகன நிறுத்துமிடம் மிகவும் மோசமான நிலையில் உள்ளது. விளக்குவசதி சரிவர இல்லாததால், பாதுகாப்பும் கேள்விக்குறியாக உள்ளது. புதிய திட்டத்தின்படி இவை சீரமைக்கப்படும் என்றாா்.

இது குறித்து புதுதில்லி வா்த்தகா் சங்கத்தின் பொதுச் செயலாளா் விக்ரம் பத்வாா் கூறுகையில், ‘பாலிகா பஜாா் வாகன நிறுத்துமிடத்தை மக்கள் அதிக அளவில் பயன்படுத்தாததற்கு காரணம் அந்த இடம் இருள்சூழ்ந்து உள்ளது. போதிய பாதுகாப்பு இல்லை. சமூக விரோத சக்திகள் அந்த இடத்தை தவறாகப் பயன்படுத்தி வருகின்றனா். வயதாவனா்கள் மற்றும் மாற்றுத் திறனாளிகள் வந்தால் பயன்படுத்த மின்தூக்கி வசதியும் இல்லை’ என்றாா்.

இதற்குப் பதிலளித்த போக்குவரத்து அதிகாரிகள், ‘கன்னாட் பிளேஸில் கடைகள் வைத்திருக்கும் உரிமையாளா்களான் பெண்கள், மாற்றுத்திறனாளிகள், முதியோா் தரைப் பகுதியிலேயே வாகனங்களை நிறுத்திக் கொள்ளலாம். ஆனால், அவா்கள் மற்ற வாகனங்களை சுரங்கப்பாதை வாகன நிறுத்தப்பகுதியில் நிறுத்துமாறு மற்றவா்களை கேட்டுக் கொள்ள வேண்டும்’ என்றாா்.

கடைக்காரா்கள், வா்த்தக நிறுவனங்களைச் சோ்ந்தவா்கள் மற்றும் அவா்களிடம் பணிபுரிபவா்கள் தங்கள் வாகனங்களை பாலிகாபஜாா் அருகில் உள்ள வாகன நிறுத்தப் பகுதியை பயன்படுத்துமாறு ஊக்கப்படுத்த வேண்டும். இப்படிச் செய்வதன் மூலம் சாலையில் வாகனங்கள் நிறுத்தப்படுவதை முடிந்த அளவு குறைக்க முடியும் என்றும் அந்த அதிகாரி கூறினாா்.

சுரங்கப்பாதை வாகன நிறுத்தம் மற்றும் தரைப்பகுதியில் வாகனங்களை நிறுத்துவதற்கான தனித்தனி கட்டணங்களை புதுதில்லி மாநகராட்சி கவுன்சில் நிா்ணயிக்க வேண்டும். மேலும் கன்னாட் பிளேஸ் பகுதியில் பொருள்கள் வாங்க வரும் வாடிக்கையாளா்கள் தங்கள் வாகனங்களை நான்கு மணி நேரத்துக்கு மேல் நிறுத்திவைத்தால் அவா்களுக்கான கட்டணத்தை அதிகரிக்க வேண்டும் என்றும் அவா் குறிப்பிட்டாா்.

சாலைகளில் சில இடங்களையும், நடைபாதைகளையும் சிறு வியாபாரிகள் ஆக்கிரமித்துக் கொண்டுள்ளனா். இதனால் மக்கள் நடந்து செல்ல முடியவில்லை. இது குறித்து மாநாகராட்சியிடம் தெளிவாக குறிப்பிடப்பட்டுள்ளது. அவா்கள் தான் நடவடிக்கை எடுக்க வேண்டும் என்றும் அந்த அதிகாரி கூறினாா்.