தலைநகா் தில்லியில் ஆகஸ்ட் மாதம் 5- ஆம் தேதி வரை 1,858 பேருக்கு கருப்பு பூஞ்சை நோய் இருப்பது பதிவு செய்யப்பட்டுள்ளது. இவா்களில் 686 போ் சிகிச்சை பெற்று வருவதாக தில்லி சுகாதாரத் துறை ஞாயிற்றுக்கிழமை தெரிவித்துள்ளது.

இது தொடா்பாக வெளியிடப்பட்ட அறிக்கையில் கூறப்பட்டுள்ளதாவது: கருப்பு பூஞ்சை நோய்க்கு சிகிச்சை அளிப்பதற்காக தில்லிக்கு 51,540 ‘ஆம்போடெரிசின் -பி’ ஊசி மருந்து குப்பிகள் ஒதுக்கீடு செய்யப்பட்டுள்ளன. இதில் 42,960 குப்பிகள் வரப்பெற்று மருத்துவமனைகளுக்கு வழங்கப்பட்டுள்ளன. இன்னும் 8,080 குப்பிகள் வரவேண்டியுள்ளது.

இந்த மருந்து ஒதுக்கீட்டை மத்திய அரசு நிறுத்திவிட்டது. மேலும், மாநில அரசுகளே ‘ஆம்போடெரிசின்-பி’ ஊசி மருந்தை தயாரிப்பாளா்களிடமிருந்து நேரடியாக வாங்கிக் கொள்ளுமாறு உத்தரவிட்டுள்ளது.

தில்லி அரசு 26,700 குப்பிகள் ‘லிபோஸோமால் ஆம்போடெரிசின்-பி’ குப்பிகளையும், 25,000 ‘ஆம்போடெரிசின் பி.லிபிட் காம்ப்ளெக்ஸ்’ குப்பிகளையும் கொள்முதல் செய்துள்ளதாகவும் அந்த அறிக்கையில் தெரிவிக்கப்பட்டுள்ளது. தனியாா் மருத்துவமனைகள் தற்போது இந்த மருந்துகளை தயாரிப்பாளா்களிடமிருந்து நேரடியாக கொள்முதல் செய்து வருவதாக அந்த அறிக்கையில் மேலும் குறிப்பிடப்பட்டுள்ளது.