தில்லியில் வெப்பநிலையில் பின்னடைவு!

தலைநகா் தில்லியில் குறைந்தபட்ச, அதிகபட்ச வெப்பநிலையில் சற்று பின்னடைவு ஏற்பட்டுள்ளது. வெள்ளி, சனி ஆகிய தினங்களில் உயா்ந்து வந்த வெப்பநிலை ஞாயிற்றுக்கிழமை 2 டிகிரி செல்சியஸுக்கும் மேலாக சரிந்தது.

தில்லியின் பிரதிநிதித்துவ தரவுகளை வழங்கு சஃப்தா்ஜங் வானிலை ஆய்வு மையத்தில் ஞாயிற்றுக்கிழமை குறைந்தபட்ச வெப்பநிலை பருவ சரிசரியைவிட 3 டிகிரி உயா்ந்து 15.6 டிகிரி செல்சியஸாக பதிவாகியது. அதிகபட்ச வெப்பநிலை பருவ சராசரியைவிட 7 டிகிரி உயா்ந்து 32.3 டிகிரி செல்சியஸாக இருந்தது. காற்றில் ஈரப்பதத்தின் அளவு காலையில் 79 சதவீதமாகவும் மாலையில் 51 சதவீதமாகவும் இருந்தது. இதேபோல ஆயாநகரில் குறைந்தபட்ச வெப்பநிலை 16.4 டிகி்ரி செல்சியஸ், பாலத்தில் 17.8 டிகிரி செல்சியஸ் எனப் பதிவாகியிருந்தது. அதேசமயம் குறைந்தபட்ச வெப்பநிலை சஃப்தா்ஜங்கில் சனிக்கிழமை 17.8 டிகிரி செல்சியஸாகவும் அதிகபட்ச வெப்பநிலை வெள்ளிக்கிழமை 33 டிகிரி செல்சியஸாகவும் இருந்தது.

காற்றின் தரம்: தில்லியில் காற்றின் ஒட்டுமொத்தக் காற்றின் தரக் குறியீடு காலை 9 மணியளவில் 205 புள்ளிகளாகப் பதிவாகி மோசம் பிரிவில் இருந்ததாக மத்திய மாசுக் காட்டுப்பாட்டு வாரியம் தெரிவித்துள்ளது.

முன்னறிவிப்பு: இதற்கிடையே, தில்லியில் திங்கள்கிழமை பனிமூட்டம் இருக்கும் என்றும் குறைந்தபட்ச வெப்பநிலை 13 டிகிரி செல்சியஸாகவும், அதிகபட்ச வெப்பநிலை 31 டிகிரி செல்சியஸாகவும் இருக்கும் என வானிலை ஆய்வு மையம் கணித்துள்ளது.