தில்லி செங்கோட்டை வன்முறை: மேலும் இருவா் கைது

புது தில்லி: தில்லி செங்கோட்டை வன்முறை நிகழ்ந்த ஜனவரி 26-ஆம் தேதி பணியில் இருந்த காவலரை ஈட்டியால் தாக்கிய இளைஞா் உள்பட 2 போ் கைது செய்யப்பட்டுள்ளனா். இதையடுத்து, இந்த சம்பவத்தில் இதுவரை 14 போ் கைது செய்யப்பட்டிருப்பதாக போலீஸாா் தெரிவித்தனா்.

இதுகுறித்து தில்லி காவல் துறை துணை ஆணையா் (குற்றம்) மோனிகா பரத்வாஜ் புதன்கிழமை கூறியதாவது: குடியரசுத் தினத்தின் போது செங்கோட்டை வன்முறைச் சம்பவத்தில்

தொடா்புடைய மனீந்தா்ஜித் சிங் (23), கேம்பிரீத் சிங் (21) ஆகியோா் செவ்வாய்க்கிழமை கைது செய்யப்பட்டுள்ளனா். டச்சு நாட்டைச் சோ்ந்த மனீந்தா்ஜித் சிங் போலி பெயரில் தில்லியில் இருந்து விமானத்தில் தப்பிச் செல்ல முயன்ற போது கைதானாா். அவரது பூா்விகம் பஞ்சாப், குருதாஸ்பூா் மாவட்டமாகும். கேம்பிரீத் சிங் தில்லி ஸ்வரூப் நகரைச் சோ்ந்தவா். இவா் செங்கோட்டையில் சம்பவத்தன்று பணியில் ஈடுபட்டிருந்த காவலரை ஈட்டியால் தாக்கியுள்ளாா். அந்தச் சம்பவத்திற்குப் பிறகு அவா் தலைமறைவாகி இருந்தாா். விடியோ காட்சிப் பதிவு மூலம் அவா் குறித்த அடையாளம் தெரிய வந்தது.

முன்னதாக, மனீந்தா்ஜித் சிங் உள்ளிட்ட கும்பலைச் சோ்ந்தவா்கள் சிங்கு எல்லையில் இருந்து மின்னணு வரைபடத்தைப் பயன்படுத்தி சஞ்சய் காந்தி டிரான்ஸ்போா்ட் நகா், புராரி, மஜ்னுகா டிலா வழியாக குடியரசு தின நாளில் தில்லி செங்கோட்டையை அடைந்ததும் விசாரணையில் தெரிய வந்துள்ளது. மேலும், விடியோ காட்சிப் பதிவு மூலம் கேம்பிரீத் சிங் மற்றும் அவரது கூட்டாளிகள் செங்கோட்டைக்குள் இருப்பதும், காவலரை கேம்பிரீத் சிங் தனது கையில் இருந்த ஈட்டியால் தாக்குவதும் தெரிய வந்துள்ளது. அவரைப் பல இடங்களிலும் போலீஸாா் தேடி வந்தனா். இந்த நிலையில், மேற்கு தில்லி கயாலா பகுதியில் தனது உறவினா் வீட்டில் பதுங்கியிருந்த கேம்பிரீத் சிங் செவ்வாய்க்கிழமை கைது செய்யப்பட்டாா்.

மனீந்தா்ஜித் சிங் தனது குடும்பத்தினருடன் இங்கிலாந்தில் உள்ள பிா்மிங்ஹாம் பகுதியில் தங்கியிருந்துள்ளாா். கட்டுமானத் தளத்தில் தொழிலாளியாக வேலை செய்து வந்த அவா், 2019, டிசம்பரில் இந்தியா வந்தவா் பொது முடக்கம் காரணமாக திரும்பிப் போகாமல் இருந்தது விசாரணையில் தெரிய வந்தது. அவா் நீதிமன்றத்தில் ஆஜா்படுத்தப்பட்டு, நான்கு நாள் போலீஸ் காவலில் எடுக்கப்பட்டுள்ளாா் என்றாா் அந்த அதிகாரி.