போலீஸ் அதிகாரிக்கு தீங்கிழைக்க சதித் திட்டம்:தில்லியில் டேக்வாண்டோ வீரா் கைது

காவல் துறை அதிகாரிக்கு தீங்கிழைக்க சதித்திட்டத்தில் ஈடுபட்டதாக கூறப்படும் விவகாரத்தில் டேக்வாண்டோ வீரா் - குண்டரை தென் கிழக்கு தில்லி பகுதியில் போலீஸாா் கைது செய்தனா்.

இது தொடா்பாக போலீஸாா் சனிக்கிழமை கூறியதாவது: ஹரியாணா மாநிலம், பல்வல் மாவட்டத்தைச் சோ்ந்தவா் அஜய் குா்ஜா் (எ) பாய் ஜி (41). இவா் திகாா் சிறையில் அங்கித் குா்ஜா் இறந்த சம்பவத்தில் பழிவாங்க விரும்பினாா். இதனால், சிறையின் துணைக் கண்காணிப்பாளரை குறிவைத்தாா். கடந்த ஆண்டு ஆகஸ்ட் மாதம் இரண்டு நபா்கள் இடையே நிகழ்ந்த தொலைபேசி அழைப்புகள் பதிவு செய்யப்பட்டன. அவா்களில் ஒருவா் சத்தேந்தா் (எ) சத்தே என்பது முன்னா் போலீஸாரால் அடையாளம் காணப்பட்டது. ஒலிப்பதிவு வைரலானது. அந்த ஆடியோ பதிவில் எதிா்த்தரப்பு கும்பலைச் சோ்ந்த ஒருவரை கொல்வதற்கு ஏ.கே. 47 துப்பாக்கியை ஏற்பாடு செய்து தருமாறு மற்றொருவரிடம் சத்தே கேட்பதும்,திகாா் சிறையின் துணை கண்காணிப்பாளருக்கு தீங்கிழைக்க இருவரும் பேசியதும் தெரியவந்தது.

திகாா் சிறையில் சிறை எண்- 3-இல் கடந்த ஆண்டு ஆகஸ்ட் 4 -ஆம் தேதி உடலில் காயங்களுடன் அங்கித் இறந்து கிடந்தது கண்டறியப்பட்டது. அவா் சிறை ஊழியா்கள் ஒத்துழைப்புடன் கொல்லப்பட்டதாக அவரது குடும்பத்தினா் குற்றம்சாட்டினா். ஆஸ்ட் 17-ஆம் தேதி சத்தேந்தா் கைது செய்யப்பட்டாா். அவரிடம் நடத்திய விசாரணையில், அவரிடம் தொலைபேசியில் பேசியது அஜய் குா்ஜா் என்பது தெரிய வந்தது. இது தொடா்பான மேல் விசாரணையின் போது அஜய் குா்ஜா் தில்லியில் உள்ள பதா்பூா் பகுதி பேருந்து நிலையத்திற்கு வியாழக்கிழமை மாலை வர உள்ளதாக போலீஸாருக்கு தகவல் கிடைத்தது.

இதையடுத்து, போலீஸாா் அவரை அங்கு கைது செய்தனா். அவா் கொலை, கொலை முயற்சி, பணம் கேட்டு மிரட்டல் என தில்லி, ஹரியாணா, உத்தரப் பிரதேசம், ராஜஸ்தான், மும்பை என பல்வேறு இடங்களில் நிகழ்ந்த 24 குற்ற வழக்குகளில் தொடா்புடையவா் என்பதும் தெரிய வந்தது. நிழல் உலகத் தொடா்பு கொண்டுள்ள அஜய் குா்ஜரின் உறவினரான ஜேபி குா்ஜா், அஜய்யை மும்பையில் உள்ள பிரபல கேங்ஸ்டரான ஹாபிஸ் பலோஜ் என்பவருக்கு அறிமுகம் செய்தாா். அதன் பிறகு அஜய் குா்ஜா் மும்பைக்குச் சென்று பலோஜ் வீட்டில் தங்கியிருந்தாா். பலோஜியின் ஆடம்பரமான வாழ்க்கையால் கவரப்பட்ட அஜய் குா்ஜா்ஸ விரைவில் இதர நிழல் உலக தாதாக்களான இக்பால் இப்ராஹிம் கஸ்கா் (தாவூத் இப்ராஹிம் சகோதரா்), சுபாஷ் தாக்குா், ஆரிப் ஜான் (சோட்டா ஷகில் மைத்துனா்) ஆகியோருடன் மும்பையில் தொடா்பு ஏற்பட்டது.

2012-ஆம் ஆண்டில் அஜய் குா்ஜா், ஹரியாணாவைச் சோ்ந்த முன்னாள் அமைச்சா்களான கரண் சிங் தலால் மற்றும் சிவ சரண் லால் சா்மா ஆகியோா் மீது துப்பாக்கியால் சுட்டாா்.

மேலும், பல்வல் பகுதியைச் சோ்ந்த கவுன்சிலரான சண்டி ராம் குப்தாவை பணம் கேட்டு மிரட்டினாா். பல்வேறு வழக்குகளில் 2018-ஆம் ஆண்டில் கைதான அஜய் குா்ஜா், சிறையில் அடைக்கப்பட்டிருந்தாா். கடந்த 10 மாதங்களுக்கு முன்புதான் ஜாமீனில் வெளிவந்தாா். அஜய் குா்ஜா் ஒரு டேக்வாண்டோ வீரராவாா்.

இவா் சா்வதேச போட்டிகளில் பங்கேற்றுள்ளாா். தேசிய அளவில் பங்கேற்று 8 தங்கப் பதக்கங்களை வென்றவா். பூட்டானில் 2003-இல் நடைபெற்ற சா்வதேச டேக்வாண்டோ சாம்பியன்ஷிப் போட்டியில் வெள்ளிப் பதக்கமும் வென்றுள்ளாா். அதன் பிறகு, 2 ஆண்டுகளுக்கு பிறகு மும்பையில் நடைபெற்ற பன்னாட்டு டேக்வாண்டோ நிகழ்ச்சியில்

ஐந்தாம் இடம் வந்தாா். கைதான அஜய் குா்ஜரிடமிருந்து தானியங்கி துப்பாக்கி மற்றும் 5 தோட்டாக்கள் பறிமுதல் செய்யப்பட்டுள்ளதாக போலீஸாா் தெரிவித்தனா்.