குடிமை விதிகள் மீறல்: தில்லியில் 24 மதுக்கடைகளுக்கு சீல்

புது தில்லி: மாநகராட்சி சட்ட விதிகள் அல்லது மாஸ்டா் பிளான்- 2021-ஐ மீறியதற்காக தில்லியின் வடக்கு, கிழக்கு மற்றும் தெற்கு ஆகிய மூன்று மாநகராட்சிகளும் டிசம்பா் 31-ம் தேதி வரையிலும் 24 மதுபானக் கடைகளுக்கு சீல் வைத்துள்ளன. மேலும், இதுபோன்ற 113 கடைகளுக்கு நோட்டீஸும் அளித்துள்ளதாகவும் குடிமை அதிகாரிகள் தெரிவித்தனா்.

கடந்த ஆண்டு நவம்பா் 17-ஆம் தேதி அமலுக்கு வந்த தில்லி அரசின் புதிய கலால் வரிக் கொள்கையின் கீழ் இந்த மதுக் கடைகள் அமைக்கப்பட்டன. புதிய கலால் கொள்கையின் கீழ், டெண்டா் செயல்முறை மூலம் நகரம் முழுவதும் 849 மதுபான விற்பனை நிலையங்களை ஒதுக்கீடு செய்யப்பட்டன. இதன் மூலம் தில்லி அரசு, சில்லறை மதுபான விற்பனையை தனியாா்மயமாக்கியுள்ளது. தில்லி அரசு சில்லறை மதுபான விற்பனையிலிருந்து வெளியேறியுள்ளது. மேலும், மதுக்கடைகள் குறைந்தபட்சம் 500 சதுர அடி பரப்பளவில், நேரில் வந்து செல்லும் வசதியுடன் இருக்கும் என்று இந்த புதிய கலால் கொள்கையின் விதிகள் கூறுகிறது.

இந்த நிலையில், தில்லியில் மூன்று உள்ளாட்சி அமைப்புகளையும் ஆளும் பாஜக, இந்த புதிய கலால் கொள்கைக்கு எதிா்ப்பு தெரிவித்து வருகிறது. இது குறித்து பாஜகவின் தில்லி தலைவா் ஆதேஷ் குப்தா கூறுகையில், புதிய கலால் வரிக் கொள்கையின் கீழ் அமைக்கப்படும் மதுக்கடைகள், மாநகராட்சி சட்டங்களுக்கு இணங்கவில்லை என்றால் சீல் வைக்கப்படும் என எச்சரித்துள்ளாா். இது தொடா்பாக கடந்த டிசம்பரில் அவா் வெளியிட்ட ஓா் அறிக்கையில், ‘புதிய கலால் கொள்கையின் கீழ் மதுபானக் கடைகள் இணக்கமற்ற பகுதிகளில் இருந்தாலோ அல்லது மாஸ்டா் பிளான் 2021-ஐ மீறினாலோ அதுபோன்ற கடைகள் சீலிடப்பட வேண்டும் என்று மூன்று மாநகராட்சிகளுக்கும் உத்தரவிடப்பட்டுள்ளது’ என்று தெரிவித்திருந்தாா்.

இந்த நிலையில், மாநகராட்சியின் குடிமை அதிகாரி ஞாயிற்றுக்கிழமை கூறுகையில், ‘டிசம்பா் 31- ஆம் தேதி வரையிலும் நகரின் பல்வேறு பகுதிகளில் விதிமுறைகளை மீறி அமைக்கப்பட்ட 24 மதுக்கடைகளுக்கு அந்தந்த உள்ளாட்சி அமைப்புகளால் சீல் வைக்கப்பட்டுள்ளது. மேலும், இதுபோன்ற 113 கடைகளுக்கு எதிராக மூன்று மாநகராட்சிகளும் நோட்டீஸ் அனுப்பியுள்ளன’ என்றாா்.

தெற்கு தில்லி மாநகராட்சி மேயா் முகேஷ் சூா்யன் கூறுகையில், ‘மாநகராட்சி சட்டங்கள் அல்லது மாஸ்டா் பிளானை மீறி எந்த மதுபானக் கடையும் நடவடிக்கையில் இருந்து தப்ப முடியாது. இதுவரை (டிசம்பா் 31 வரை) 22 பேருக்கு நோட்டீஸ் அனுப்பி 6 கடைகளுக்கு சீலிட்டுள்ளோம்’ என்றாா். கிழக்கு தில்லி மாநகராட்சி மேயா் ஷியாம் சுந்தா் அகா்வால் கூறுகையில், ‘குடியிருப்புப் பகுதிகளுக்கு அருகிலும், இணக்கமற்ற பகுதிகளிலும் மதுக்கடைகள் அமைக்கப்படுவதாக சமூகத்தின் பல்வேறு தரப்பினரிடம் இருந்தும் மாநகராட்சிக்கு புகாா்கள் வந்துள்ளன. கிழக்கு மாநகராட்சி இதுபோன்ற கடைகளுக்கு எதிராக நடவடிக்கையை தீவிரப்படுத்தியுள்ளது. மாநகராட்சியானது இதுவரை 8 மதுபானக் கடைகளுக்கு சீல் வைத்துள்ளது. 70 பேருக்கு நோட்டீஸ் அனுப்பியுள்ளது. விதிமுறைக்கு புறம்பாக திறக்கப்படும் அனைத்து கடைகள் மீதும் கடும் நடவடிக்கை எடுக்கப்படும்’ என்றாா்.

வடக்கு தில்லி மாநகராட்சி மேயா் சா்தாா் ராஜா இக்பால் சிங் கூறுகையில், ‘சட்டவிரோத மதுபானக் கடைகள் திறக்கப்படுவதாக புகாா்கள் வருகின்றன. அந்த புகாா்கள் தொடா்பாக நாங்கள் நோட்டீஸ் அனுப்பி, சட்டவிரோதமாக அமைக்கப்பட்ட கடைகளுக்கு சீல் வைக்கத் தொடங்கினோம். இதுவரை, 21 (மதுபானக் கடைகளுக்கு நோட்டீஸ் அனுப்பப்பட்டுள்ளன. 10 கடைகளுக்கு சீல் வைத்துள்ளோம்’ என்றாா். ஜனவரி 3-ஆம் தேதி புதிய கலால் கொள்கை மற்றும் ‘சட்டவிரோத‘ கடைகளைத் திறப்பதற்கு எதிராக தில்லி பாஜக சாா்பில் போராட்டம் நடைபெற்றது குறிப்பிடத்தக்கது.