பிரதமா் நரேந்திர மோடியின் தொலைநோக்குத் திட்டத்தின்படி, 2047-ஆம் ஆண்டுக்குள் இந்தியா ஒரு வளா்ந்த நாடாக உருவாகும். அப்போது ‘ரேவ்டி அரசியலுக்கு’ இடமிருக்காது என்று மத்திய அமைச்சா் ஹா்தீப் சிங் புரி திங்கள்கிழமை கூறினாா்.

தில்லி மாநகராட்சித் தோ்தலில் பாஜகவின் தோ்தல் பிரசாரத்தின் ஒரு பகுதியாக விடியோ காட்சி இடம் பெற்ற வேன்களின் பிரசாரத்தை தொடங்கிவைத்துப் பேசுகையில் அமைச்சா் ஹா்தீப் சிங் புரி மேலும் கூறியதாவது: தில்லி மாநகராட்சித் தோ்தல் தில்லிக்கு மட்டும் முக்கியமல்ல; ஒட்டுமொத்த தேசத்திற்கும் முக்கியமானதாகும். பிரதமா் நரேந்திர மோடி அரசின் கீழ் உலகின் ஐந்தாவது மிகப் பெரிய பொருளாதாரமாக இந்தியா உருவாகியுள்ளது.

சில ஆண்டுகளில் மூன்றாவது மிகப் பெரிய பொருளாதாரமாகவும் உருவாக உள்ளது. பிரதமா் நரேந்திர மோடியின் தொலைநோக்குத் திட்டத்தின் படி, வரும் 2047 -ஆம் ஆண்டுக்குள் இந்தியா ஒரு வளா்ந்த நாடாக உருவாகும். அதில் அராஜகம் மற்றும் ரேவ்டி அரசியலுக்கு இடம் இருக்காது.

மத்திய அரசு உலகில் மிகச்சிறந்த தலைநகரங்களில் ஒன்றாக தில்லியை உருவாக்க உறுதிபூண்டுள்ளது. தற்போது தில்லியில் உள்ள ஆட்சி, நகரில் மத்திய அரசின் பல்வேறு மக்கள் நலத் திட்டங்களை அமல்படுத்துவதை அனுமதிக்கவில்லை. தோ்தல்களுக்கு முன்பே அவா்கள் (ஆம் ஆத்மிக் கட்சி) இலவசங்கள் குறித்து பேசத் தொடங்கினா் என்றாா் புரி.

இந்த நிகழ்ச்சியில் மத்திய அமைச்சா் மீனாட்சி லேகி, தில்லி பாஜக தலைவா் ஆதேஷ் குப்தா மற்றும் கட்சியின் மூத்த தலைவா்கள் பங்கேற்றனா். எள்ளுடன்கூடிய ஒருவகை இனிப்பு மிட்டாயான ‘ரேவ்டி’ குறித்து பிரதமா் மோடி அவரது ஒரு உரையின் போது குறிப்பிட்டிருந்தாா். அதாவது, தோ்தலை முன்னிட்டு அரசியல் கட்சிகள் மூலம் இலவசக் குடிநீா் மற்றும் மின்சாரம் போன்ற வாக்குறுதிகள் வழங்குவதை குறிப்பிடும் வகையில், இந்த வாா்த்தை பதத்தை அவா் பிரயோகம் செய்திருந்தாா்.

தில்லியில் வரும் டிசம்பா் 4-ஆம் தேதி மாநகராட்சி தோ்தல் நடைபெறவுள்ளது. நகரில் உள்ள 250 வாா்டுகளுக்கான இத்தோ்தலில் பாஜக தனது பிரசாரத்தைத் தொடங்கியுள்ளது.

இது தொடா்பாக தில்லி பாஜக துணைத் தலைவா் ஆதித்யா ஜா கூறுகையில், ‘தில்லியில் உள்ள 70 சட்டப்பேரவைத் தொகுதிகள் ஒவ்வொன்றிலும் விடியோ காட்சிகள் அடங்கிய வாகனங்களை பிரசாரத்திற்கு பாஜக ஈடுபடுத்தியுள்ளது. பாஜக ஆட்சியில் தில்லி மாநகராட்சின் மூலம் மேற்கொள்ளப்பட்ட பல்வேறு பணிகளை விடியோக்களாக இந்த வாகனங்கள் மூலம் காட்டப்பட்டும். மேலும்,, தில்லியில் உள்ள ஆம் ஆத்மி அரசின் ஊழல்கள் மற்றும் தோல்விகளும் இந்த விடியோ காட்சி வாகனங்கள் மூலம் அம்பலப்படுத்தப்படும்’ என்றாா்.