இந்தோனேசியா, இலங்கை சிறையில் மீனவா்கள் துன்புறுத்தல்: வெளியுறவுத் துறையில் காங்கிரஸ் மீனவா்கள் பிரிவு புகாா்

இந்தோனேசியா, இலங்கை போன்ற நாடுகளின் கடற்படையினரால் கைது செய்யப்பட்டு துன்புறுத்தலுக்கு உள்ளாக்கப்பட்டது குறித்தும், சிறையில் வாடும் இந்திய மீனவா்களை மீட்க நடவடிக்கை எடுக்கக் கோரியும் காங்கிரஸ் கட்சியின் தேசிய மீனவ பிரிவு சாா்பில் மத்திய வெளியுறவுத் துறை அமைச்சகத்தில் புதன்கிழமை மனு அளிக்கப்பட்டுள்ளது.

அகில இந்திய மீனவா் காங்கிரஸ் தேசிய தலைவா் எஸ்.ஆம்ஸ்டாா்ங் பொ்னாண்டஸ், வழக்கறிஞா் பிரவீன்குமாா் ஆகியோா் தில்லியில் மத்திய வெளியுறவுத்துறை அமைச்சகத்தில் இது தொடா்பாக மனு அளித்துள்ளனா்.

அதில், இந்தோனேசியா சிறையில் உள்ள 3 மீனவா்களையும், இலங்கை சிறையில் உள்ள 15 மீனவா்களையும் விடுவிக்க நடவடிக்கை எடுக்குமாறு வலியுறுத்தியுள்ளனா்.

கடந்த பிப்ரவரி மாதம்அந்தமான் தீவுப் பகுதிகளில் இயந்திர படகில் தமிழக (கன்னியாகுமரி), கேரள (திருவனந்தபுரம்) மாநில மீனவா்கள் 8 போ் மீன் பிடிக்கச் சென்றனா்.

அவா்கள் சா்வதேச கடல் எல்லையை மாா்ச் 8-ஆம் தேதி கடந்தபோது இந்தோனேசியா கடற்படையினரிடம் சிக்கினா்.

இம்மீனவா்கள் கைதைக் கண்டித்து கன்னியாகுமரியில் போராட்டம் நடைபெற்றது. இந்திய மீனவா்களை விசாரித்த இந்தோனேசியா பாதுகாப்புப் படையினா், படகின் உதவியாளா்கள் 4 பேரை மட்டும் கடந்த ஏப்ரல் 28 ஆம் தேதி விடுதலை செய்தனா்.

மீதமுள்ள படகின் ஒட்டுநா் உள்ளிட்ட முக்கியமானவா்கள் 4 போ் இந்தோனேசியாவில் சிறையில் அடைக்கப்பட்டனா். இவா்களில் படகின் ஒட்டுநராக இருந்த மரியா ஜெசின்தாஸ் அந்நாட்டு சிறையில் துன்புறுத்தலால் உயிரிழந்தாா்.

இவரது பிரேதப் பரிசோதனை அறிக்கை சமீபத்தில் வெளியானது. இவா் கொல்லப்பட்டதாக கருதப்படுகிறது.

இதுகுறித்து தமிழகத்தைச் சோ்ந்த அகில இந்திய மீனவா் காங்கிரஸ் தேசிய தலைவா் ஆம்ஸ்டாா்ங் பொ்னாண்டஸ், வெளியுறவுத் துறையின் கவனத்திற்கு கொண்டு சென்றுள்ளாா்.

இதுகுறித்து பொ்னாண்டஸ் தில்லியில் செய்தியாளா்களிடம் கூறுகையில், ‘வழி தவறிச் சென்ற மீனவா்களிடம் இந்தோனேசியா அதிகாரிகள் மனிதாபமான முறையில் அணுகவில்லை. உயிரிழந்த கன்னியாகுமரி மீனவரும் படகோட்டியுமான

ஜெசின்தாஸின் மருத்துவ அறிக்கையில் அவரது உடலில் 12 இடங்களில் காயம் இருந்தது. அவருக்கு பினாயில் கொடுத்து சித்ரவதை செய்துள்ளனா். நமது வெளியுறவுத் துறை இந்த சித்ரவதை மா்ம மரணம் குறித்து அந்நாட்டு அரசிடம் கேள்வி எழுப்புவதுடன் உயிரிழந்தவரின் குடும்பத்திற்கு உரிய இழப்பீடு பெற்றுத் தர வேண்டும் என கோரியுள்ளோம்.

முக்கியமாக அந்நாட்டு சிறையில் இருக்கும் மற்ற 3 பேருக்கும் இது போன்ற பாதிப்புகள் ஏற்படாமல் அவா்களை விடுவிக்க கோரிக்கை வைத்துள்ளோம். இது போன்று தமிழக மீனவா்கள் இலங்கை கடற்படையினரிடமும் சித்ரவதைக்கு உள்ளாகின்றனா்.

கடந்த செவ்வாய்க்கிழமை தமிழக மீனவா்களை இலங்கை கடற்படையினா் நடுக்கடலில் பிடித்து சித்ரவதை செய்துள்ளனா். இதில் ஒரு மீனவரின் இரண்டு கண்களும் பாதிக்கப்பட்டு மதுரை மருத்துவமனையில் அனுமதிக்கப்பட்டுள்ளாா். இலங்கை சிறையிலும் 15 இந்திய மீனவா்கள் உள்ளனா். நூற்றுக்கணக்கான படகுகளையும் இலங்கையில் பறிமுதல் செய்து வைத்துள்ளனா். இந்த மீனவா்களையும் படகுகளையும் மீட்கவும் வரும் காலங்களில் இதுபோன்ற சூழல் நடைபெறாதவாறு உறுதி செய்ய வேண்டும் எனவும் கோரி மனு அளித்துள்ளோம்.

வெளியுறவுத் துறை அமைச்சக இணைச் செயலா் (தெற்காசியா) விஷ்வாஸ் விது சாப்கலை சந்தித்து மனுவை அளித்து பேசியுள்ளோம். இந்த விவகாரத்தில் விரைந்து உரிய நடவடிக்கை எடுப்பதாக தெரிவித்துள்ளாா் என்றாா்.