வீட்டில் எல்பிஜி சிலிண்டா் தீப்பற்றி 2 சிறுவா்கள் காயம்

கிழக்கு தில்லியின் மண்டாவெளி பகுதியில் உள்ள ஒரு வீட்டில் எல்பிஜி காஸ் சிலிண்டா் தீப்பற்றியதில் வீட்டிலிருந்த ஆறு வயது சிறுவனும், அவனுடைய மூன்று வயது தம்பியும் தீக்காயமடைந்ததாக போலீஸாா் வியாழக்கிழமை தெரிவித்தனா்.

இது தொடா்பாக கிழக்கு தில்லி காவல் சரக துணை ஆணையா் பிரியங்கா காஷ்யப் வியாழக்கிழமை கூறியதாவது: இந்தச் சம்பவம் தொடா்பாக புதன்கிழமை மாலை 3:30 மணியளவில் போலீஸாருக்கு தகவல் வந்தது. இதையடுத்து, சம்பவ இடத்திற்கு போலீஸாா் விரைந்து சென்றனா். அப்போது வீட்டுக்குள் மைனா் குழந்தைகள் இருவரும் சிக்கி இருப்பது தெரிய வந்தது. இதையடுத்து, உடனடியாக அவா்கள் மீட்கப்பட்டு சிகிச்சைக்காக லால் பகதூா் சாஸ்திரி மருத்துவமனையில் சோ்க்கப்பட்டனா்.

இந்த நிலையில், இரு குழந்தைகளில் மூன்று வயது சிறுவன் லேசான காயத்துடன் சிகிச்சைக்கு பிறகு வீட்டுக்கு அனுப்பிவைக்கப்பட்டாா். அவருடைய ஆறு வயது அண்ணன், மேல் சிகிச்சைக்காக சப்தா்ஜங் மருத்துவமனைக்கு கொண்டு செல்லப்பட்டாா்.

இந்தச் சம்பவம் குறித்த தொடக்க விசாரணையில் குழந்தைகளின் தாய் சமைத்துக் கொண்டிருந்த போது, எல்பிஜி சிலிண்டரில் இருந்து தீ ஏற்பட்டது தெரிய வந்தது. மேலும், எரிவாயு கசிவு காரணமாக இந்த தீ விபத்து நிகழ்ந்திருக்கலாம் என்றும் தெரியவருகிறது. எனினும், தீ விபத்துக்கான உண்மையான காரணத்தைக் கண்டறிய விசாரணை நடைபெற்று வருகிறது என்றாா் அந்த அதிகாரி.