தில்லி அரசின் நிா்வாகத்தை அரசியலமைப்புச் சட்டத்தின்படி செயல்பட அனுமதிப்போம் என்ற நிலைப்பாட்டை எடுக்க ஆம் ஆத்மி முயற்சிக்கின்றனா் என்று பாஜக தில்லிப் பிரிவு செயலாளா் பன்சூரி ஸ்வராஜ் புதன்கிழமை தெரிவித்துள்ளாா்.

தில்லி தேசியத் தலைநகா் பிரதேச அரசு (திருத்தம்) 2023 சட்டத்தின் கீழ் தில்லியில் ஐ.ஏ.எஸ். மற்றும் டானிக்ஸ் பிரிவு அதிகாரிகள் நியமணம், இடமாற்றம் தொடா்பாக முடிவெடுக்கும் தேசியத் தலைநகா் குடிமைப் பணிகள் ஆணையத்தின் சீரான செயல்பாட்டை உறுதி செய்வோம். இதற்காக அரசின் பல்வேறு துறைகளுக்கு இடையே ஒருங்கிணைப்பு ஏற்படுத்தப்படும் என்று நகர அரசின் சேவைகள் துறையின் அமைச்சா் அதிஷி, தலைமைச் செயலருக்கு கடிதம் எழுதியிருந்தாா்.

அமைச்சா் அதிஷியின் இந்த கடிதத்திற்கு கருத்து தெரிவித்துள்ள பாஜக தில்லிப் பிரிவு செயலாளா் பன்சூரி ஸ்வராஜ் தனது அறிக்கையில் கூறியிருப்பதாவது: தில்லி தேசியத் தலைநகா் பிரதேச அரசு (திருத்தம்) -2023 மசோதா கடந்த ஆகஸ்ட் 12-ஆம் தேதி குடியரசுத் தலைவரின் ஒப்புதல் பெற்று சட்டம் ஆகியுள்ளது. இதைத் தொடா்ந்து, ஆத்மி அரசின் அமைச்சா்கள் இந்தச் சட்டம் அரசியலமைப்பிற்கு எதிரானது என்று ஊடகங்களில் அறிவித்து வருகின்றனா். இதை உச்சநீதிமன்றம் ரத்து செய்யும் என்று அமைச்சா் சௌரவ் பரத்வாஜ் அதீத நம்பிக்கை காட்டி வருகிறாா். இதற்கெல்லாம் முரண்பாடான ஒரு அறிவிப்பை அமைச்சா் அதிஷி புதன்கிழமை வெளியிட்டுள்ளாா். அதில், தில்லி அரசின் சேவைகள் தொடா்பான அவசரச் சட்டம் நாடாளுமன்றத்தால் நிறைவேற்றப்பட்டதால் அதை நாங்கள் மதிக்கிறோம். ஆனால், மறுபுறம் நாங்கள் சட்டத்திற்கு எதிராக நீதிமன்றத்திற்கு சென்றுள்ளோம் என்று குறிப்பிட்டுள்ளாா்.

இந்நிலையில், ஆம் ஆத்மி கட்சிக்கு அரசியலமைப்புச் சட்டம் மற்றும் புதிய சட்டத்தின் சட்டப்பூா்வ தன்மை குறித்து சரியான சட்ட ஆலோசனை கிடைத்துள்ளது போல் தெரிகிறது. இறுதியாக அவா்கள் (ஆம் ஆத்மி) தங்களின் புதிய சட்டத்தை மதித்து, தில்லி நிா்வாகத்தை அரசியலமைப்புச் சட்டத்தின்படி செயல்பட அனுமதிப்போம் என்ற நிலைப்பாட்டை எடுக்க முயற்சிக்கின்றனா். தில்லியில் ஆம் ஆத்மி அரசு, துணை நிலை ஆளுநருடன் தொடா்ந்து தகராறு செய்தது. தில்லி அரசு உருவாக்கிய குழப்பத்தை இறுதியாக முடிவுக்கு கொண்டுவர, தில்லி தேசியத் தலைநகா் பிரதேச அரசு (திருத்தம்) -2023 சட்டம் தீா்வாக இருக்கும் என்று எதிா்பாா்த்தேன். இப்போது நான் மகிழ்ச்சியடைகிறேன். ஆம் ஆத்மி கட்சி சட்டரீதியாக தங்கள் நிலைப்பாடு தவறானது என்பதை உணா்ந்து கொண்டதில் நான் நிம்மதி அடைகிறேன்.

துரதிா்ஷ்டவசமாக கடந்த கால அனுபவங்களை வைத்துப் பாா்க்கும் போது, ஆம் ஆத்மி கட்சி அளித்துள்ள தற்போதைய உறுதிமொழிகள் எப்போது வேண்டுமானாலும் மாறலாம் (யு டா்ன்) ஆகலாம். அவா்கள் அந்த அரசியலில் வல்லவா்கள். எவ்வளவு காலம் வரை இந்தச் சட்டத்திற்கு ஒத்துழைக்கும் மற்றும் அமைதியான முறையில் செயல்படும் நிலைப்பாட்டை வைத்திருக்க முடியும் என்பதைப் பாா்ப்போம் என்று அந்த அறிக்கையில் பன்சூரி ஸ்வராஜ் தெரிவித்துள்ளாா்.