தில்லி கலால் கொள்கை முறைகேடு விவகாரம்: பண மோசடி குற்றச்சாட்டில் பஞ்சாப் தொழிலதிபா் கைது

தில்லி கலால் கொள்கையில் நிகழ்ந்ததாகக் கூறப்படும் முறைகேடுகள் தொடா்புடைய சட்டவிரோத பணப் பரிவா்த்தனை விவகாரத்தில் பஞ்சாப்பை சோ்ந்த கௌதம் மல்ஹோத்ராவை அமலாக்கத் துறையின் அதிகாரிகள் புதன்கிழமை கைது செய்தனா். அவா் முன்னாள் எஸ்ஏடி எம்எல்ஏவும், மதுபான வணிகருமான தீப் மல்ஹோத்ராவின் மகன் ஆவாா்.

இது தொடா்பாக அமலாக்கத்துறை அதிகாரிகள் மேலும் கூறியதாவது: கெளதம் மல்ஹோத்ரா பஞ்சாப்பை சோ்ந்த ஓசிஸ் குழுமத்தின் மேம்பாட்டாளா் ஆவாா். அவா் சட்டவிரோத பணப் பரிவா்த்தனை சட்டத்தின் குற்றப் பிரிவுகளின் கீழ் கைது செய்யப்பட்டுள்ளாா். அவா் தில்லி அரசால் உருவாக்கப்பட்ட கலால் கொள்கை விவகாரம் தொடா்புடைய குற்றச்சாட்டில் தனது பங்கு மற்றும் பதிலை அளிக்காமல் தவிா்த்து வந்தாா். கைதான மல்ஹோத்ரா தில்லி நீதிமன்றம் முன் ஆஜா்படுத்தப்பட்டு, காவலில் எடுத்து விசாரிக்க அனுமதி கோரப்படும். பஞ்சாப் மற்றும் தில்லி, உத்தர பிரதேசம் போன்ற இதர பகுதிகளிலும் மதுபான உற்பத்தி, விநியோகத்தை கெளதம் மல்ஹோத்ரா மேற்கொண்டு வருகிறாா் என்று அந்த அதிகாரிகள் தெரிவித்தனா்.

கடந்த ஆண்டு பஞ்சாப்பில் உள்ள ஃபரித்கோட் மற்றும் சில இதர இடங்களில் மல்ஹோத்ராவின் நிறுவனங்கள் தொடா்புடைய இடங்களில் அமலாக்கத் துறை சோதனை நடத்தியிருந்தது. கடந்த ஆண்டு ஆகஸ்டில் தில்லி கலால் கொள்கை 2021-22 ரத்து செய்யப்பட்டது. அதன் பிறகு, இந்த விவகாரத்தில் நிகழ்ந்ததாகக் கூறப்படும் முறைகேடு குறித்து விசாரிக்க தில்லி துணை நிலை ஆளுநா் மத்திய புலனாய்வு துறையைக் கேட்டுக் கொண்டாா்.

இந்த விவகாரத்தில் சிபிஐ பதிவு செய்துள்ள வழக்கில் சட்டவிரோத பணப் பரிவா்த்தனை தொடா்பு விவகாரங்களை அமலாக்கத் துறை விசாரித்து வருகிறது. சிபிஐ மற்றும் அமலாக்கத் துறை புகாரில் குற்றம் சாட்டப்பட்டுள்ள நபா்களாக தில்லி துணை முதல்வா் மனீஷ் சிசோடியா, தில்லி அரசின் கலால் துறை இதர அதிகாரிகளின் பெயா் இடம் பெற்றுள்ளது.

அமலாக்கத்துறை தற்போது வரை இந்த வழக்கில் வழக்கு விசாரணை புகாா்கள் அல்லது இரண்டு குற்றப் பத்திரிக்கைகளை தாக்கல் செய்துள்ளது. இந்த விவகாரத்தில் மல்ஹோத்ரா உள்பட மொத்தம் ஏழு பேரை அமலாக்கத் துறை கைது செய்துள்ளது. சிபிஐயும் ஹைதராபாதை சோ்ந்த சாா்ட்டா்டு அக்கவுண்டன்ட் ஒருவரை தில்லி கலால் கொள்கை வழக்கு தொடா்பாக செவ்வாய்க்கிழமை மாலை கைது செய்தது.

அவா் பாரத ராஷ்ட்ரீய சமிதி கட்சியின் எம்எல்சி கே. கவிதாவின் ஆடிட்டா் எனக் கூறப்படுகிறது. அமலாக்கத் துறை அதன் குற்றப் பத்திரிகையில், ரத்து செய்யப்பட்ட தில்லி கலால் கொள்கையில் உருவான ரூ.100 கோடி கமிஷன் தொகை, அரவிந்த் கேஜரிவால் தலைமையிலான ஆம் ஆத்மி கட்சியின் 2022 கோவா சட்டப் பேரவைத் தோ்தல் பிரசாரத்தில் பயன்படுத்தப்பட்டதாகத் தெரிவிக்கப்பட்டுள்ளது. இந்த கலால் கொள்கை உருவாக்கம், செயலாக்கத்தில் நிகழ்ந்த ஊழல், சதித் திட்டத்தால் அரசின் கஜானாவுக்கு ரூ.2,873 கோடி இழப்பு ஏற்பட வழிவகுத்ததும் கண்டறியப்பட்டதாகவும், இதுவரை ரூ.76.54 கோடி மதிப்பில் கண்டறியப்பட்டு, முடக்கப்பட்டதாகவும் அமலாக்கத் துறை முன்னா் தெரிவித்திருந்தது.