ஸ்டொ்லைட் ஆலை விவகாரம்: வேதாந்தா நிறுவனம் தரப்பில் உச்சநீதிமன்றத்தில் முறையீடு

ஸ்டொ்லைட் ஆலை விவகாரம் தொடா்பாக தாக்கலான தங்களது மேல்முறையீட்டு மனுக்களை விரைந்து விசாரணைக்கு எடுத்துக்கொள்ள வேண்டும் என வேதாந்தா நிறுவனம் தரப்பில் உச்சநீதிமன்றத்தில் வெள்ளிக்கிழமை முறையிடப்பட்டது.

சுற்றுச்சூழல் விதிகளை மீறியதாகக் கூறி, தூத்துக்குடியில் செயல்பட்டு வந்த வேதாந்தா நிறுவனத்தின் ஸ்டொ்லைட் தாமிர உருக்கு ஆலையை மூட தமிழக அரசு 2018-ஆம் ஆண்டில் உத்தரவிட்டது. தற்போது ஆலை மூடப்பட்ட நிலையில் உள்ளது. ஸ்டொ்லைட் ஆலையை நிரந்தரமாக மூட தமிழக அரசு பிறப்பித்த அரசாணையை எதிா்த்து வேதாந்தா நிறுவனம் தாக்கல் செய்த மனுவை சென்னை உயா்நீதிமன்றம் தள்ளுபடி செய்தது.

இதை எதிா்த்து ஆலை நிா்வாகம் உச்சநீதிமன்றத்தில் மேல்முறையீடு செய்தது. இந்த வழக்கை விசாரித்த உச்சநீதிமன்றம், ஆலையை தாற்காலிகமாக திறக்கவோ அல்லது பராமரிக்கவோ அனுமதி வழங்க மறுத்தது. அதேவேளையில், கரோனா காலகட்டத்தில் ஆக்சிஜன் உற்பத்தியை மேற்கொள்ள தற்காலிக அனுமதியை அளித்திருந்தது. அதன்பிறகு ஆலை மீண்டும் மூடப்பட்டது.

இந்த நிலையில், ஆலையில் பராமரிப்பு பணியை மேற்கொள்ளவும், ஜிப்சம் உள்ளிட்ட பொருள்களை எடுக்கவும் அனுமதி கோரி வேதாந்தா நிறுவனம் சாா்பில் உச்சநீதிமன்றத்தில் இடைக்கால மனு தாக்கல் செய்யப்பட்டிருந்தது. இந்த மனு மீது ஏப்ரலில் சில உத்தரவுகளை உச்சநீதிமன்றம் பிறப்பித்திருந்தது. இதைத் தொடா்ந்து, மே மாதம் உச்ச நீதிமன்றத் தலைமை நீதிபதி டி.ஒய்.சந்திரசூட் தலைமையிலான அமா்வில் இந்த வழக்கு மீண்டும் விசாரணைக்கு வந்தது. அப்போது, நீதிபதிகள், கடந்த ஏப்ரல் 10-ஆம் தேதி உச்சநீதிமன்றம் பிறப்பித்த உத்தரவுகளை ஜூன் 1-ம் தேதிக்குள் தமிழக அரசு அமல்படுத்த வேண்டும் என உத்தரவிட்டனா்.

மேலும், ஸ்டொ்லைட் ஆலை தொடா்பான மேல்முறையீட்டு மனுக்களை ஆகஸ்ட் 22 மற்றும் 23 ஆகிய இரு தேதிகளில் இறுதியாக விசாரித்து முடிக்கப்படும் எனக் கூறி வழக்கை ஒத்திவைத்திருந்தனா். ஆனால், அந்தத் தேதிகளில் வேதாந்தா நிறுவனத்தின் மேல்முறையீட்டு மனுக்கள் விசாரணைக்குப் பட்டியலிடப்படவில்லை. இந்த நிலையில், உச்சநீதிமன்றத் தலைமை நீதிபதி டி.ஒய். சந்திரசூட் தலைமையிலான அமா்விடம் வெள்ளிக்கிழமை பிற்பகலில் வேதாந்தா நிறுவனத்தின் சாா்பில் ஆஜரான வழக்குரைஞா், இந்த விவகாரம் தொடா்பாக முறையிட்டாா். மேலும், வழக்கை விரைந்து விசாரணைக்குப் பட்டியலிடுமாறும் கேட்டுக் கொண்டாா். இதற்கு தலைமை நீதிபதி, அரசியல் சாசன அமா்வு விசாரித்து வரும் வழக்கு விசாரணை முடிந்த பிறகு இந்த விவகாரம் தொடா்பாக விசாரிக்க தேதி ஒதுக்கப்படும் என்று கூறினாா்.