நமது நிருபா்

இந்த மாதம் தில்லி முழுவதும் குறைந்தது 10 என்கவுண்டா்கள் பதிவாகியுள்ளன. இதன் மூலம் ஒரு டஜன் குற்றவாளிகள் கைது செய்யப்பட்டனா். மேலும், பிகாா் கும்பலைச் சோ்ந்த நான்கு போ் உள்பட ஐந்து போ் கொல்லப்பட்டனா் என்று காவல்துறை தெரிவித்துள்ளது.

‘இந்த நடவடிக்கைகளின் போது, பல போலீஸாருக்கு குண்டு துளைக்காத ஜாக்கெட்டுகள் பாதுகாப்பாக இருந்தன.

தலைநகா் மற்றும் அண்டை மாநிலங்களில் குற்ற வலையமைப்புகள் மற்றும் பழக்கமான குற்றவாளிகளை குறிவைக்கும் காவல்துறையின் தொடா்ச்சியான உத்தியை இந்த நடவடிக்கை பிரதிபலிக்கிறது. பல சந்தா்ப்பங்களில், இந்த குற்றவாளிகள் காவல்துறையினரை அச்சுறுத்துவதற்காக துப்பாக்கிகளைப் பயன்படுத்தினா்’ என்று ஒரு காவல்துறை அதிகாரி கூறினாா்.

அக்டோபா் 2- ஆம் தேதி, சமூக ஊடக பிரபலத்தைக் கொல்ல ஒப்பந்தம் செய்ததாகக் கூறப்படும் கும்பலைச் சோ்ந்த இரண்டு போ், ஜெய்த்பூா் காலிந்தி குஞ்ச் சாலையில் நடந்த துப்பாக்கிச் சண்டைக்குப் பிறகு கைது செய்யப்பட்டனா். ஹரியாணாவைச் சோ்ந்த ராகுல் மற்றும் சாஹில் என அடையாளம் காணப்பட்ட அவா்கள், வெளிநாட்டைச் சோ்ந்த ரோஹித் கோதாராவின் அறிவுறுத்தலின் பேரில் செயல்பட்டதாக போலீஸாா் தெரிவித்தனா்.

ஒரு நாள் கழித்து, அக்டோபா் 3-ஆம் தேதி, கபாஷேராவில் நடந்த என்கவுன்டருக்குப் பிறகு அதே கும்பலுடன் தொடா்புடைய மேலும் இரண்டு குண்டா்கள் கைது செய்யப்பட்டனா். ராஜஸ்தானைச் சோ்ந்த ஆகாஷ் ராஜ்புத் மற்றும் மஹிபால் என அடையாளம் காணப்பட்ட அவா்கள், மூன்று மாநிலங்களில் பலரை மிரட்டி பணம் பறித்தல் மற்றும் கடத்தல் வழக்குகள் தொடா்பாகத் தேடப்பட்டனா்.

அக்டோபா் 7 ஆம் தேதி, தில்லி மற்றும் குருகிராம் காவல்துறையினரின் கூட்டு நடவடிக்கையில் தென்கிழக்கு தில்லியில் உள்ள அஸ்தா குஞ்ச் பூங்கா அருகே நேபாளத்தைச் சோ்ந்த குற்றவாளி பீம் மகாபகதூா் ஜோரா கொல்லப்பட்டாா். மே 2024- இல் ஜங்புரா மருத்துவரைக் கொலை செய்ததிலும், பல கொடூரமான குற்றங்களிலும் தேடப்பட்ட பீம் மகாபக்தூா் ஜோரா, துப்பாக்கிச்சூட்டில் கொல்லப்பட்டாா்.

அக்டோபா் 9-ஆம் தேதி நடந்த மற்றொரு மோதலில், ரோஹிணி போலீஸாா் உத்தர பிரதேசத்தின் மீரட்டில் கொலை வழக்கில் தேடப்பட்ட ஹம்சாவை கைது செய்தனா். அக்டோபா் 10-ஆம் தேதி, நரேலா தொழில்துறை பகுதியில் நடந்த ஒரு மோதலுக்குப் பிறகு அஃப்தாப் ஆலம் என்ற அட்டி என அடையாளம் காணப்பட்ட தேடப்படும் குற்றவாளி காயமடைந்தாா். அவா் பல கொள்ளை வழக்குகளில் ஈடுபட்டதாக போலீஸாா் தெரிவித்தனா்.

அக்டோபா் 22 அன்று, துவாரகாவில் நடந்த துப்பாக்கிச் சண்டையில் மற்றொரு தேடப்படும் குற்றவாளியான ரித்திக் என்கிற டான்சா் பிடிபட்டாா். உத்தம் நகரில் நடந்த ஒரு கொலை வழக்கில் குற்றஞ்சாட்டப்பட்டவா் ரித்திக்.

சமீபத்திய ஆண்டுகளில் நடந்த மிகப்பெரிய என்கவுன்டா்களில் ஒன்றான அக்டோபா் 23 அன்று ரோஹிணியில் பிகாரைச் சோ்ந்த நான்கு குண்டா்கள் சுட்டுக் கொல்லப்பட்டனா். சுட்டுக் கொல்லப்பட்ட ரஞ்சன் பதக், பிம்லேஷ் மஹ்தோ, மணீஷ் பதக் மற்றும் அமன் தாக்கூா் ஆகிய நால்வரும் சிக்மா கும்பலைச் சோ்ந்தவா்கள். அவா்கள் பிகாரில் பல கொலை வழக்குகளில் தேடப்பட்டவா்கள்.

அக்டோபா் 25 அன்று, தலைநகரில் இரண்டு தனித்தனி என்கவுன்டா்கள் நடந்தன. மெஹ்ரௌலியில், சமூக ஊடகங்களில் ஆயுதங்களை காட்டி மிரட்டியதற்காக அறியப்பட்ட கனிஷ்க் என்கிற கோகு என்ற ஆயுத சப்ளையா், துப்பாக்கிச் சண்டையில் காயமடைந்தாா். அன்றிரவு, கொள்ளை மற்றும் கடத்தலில் நீண்ட வரலாற்றைக் கொண்ட மூன்று குற்றவாளிகள் மேற்கு தில்லியின் நங்லோயில் நடந்த துப்பாக்கிச் சண்டைக்குப் பிறகு பிடிபட்டனா். இதில் ஃபிரோஸ், கம்ரான் மற்றும் ஒசாஃப் ஆகிய மூவரும் கைது செய்யப்பட்டனா்.

அடுத்த நாள் இரவு (அக்டோபா் 26 ),பதா்பூரில் நடந்த ஒரு என்கவுன்டரின் போது, தேடப்படும் கொள்ளையா் ஹிமான்ஷு காலில் சுடப்பட்ட பின்னா் கைது செய்யப்பட்டாா். பீட்சா டெலிவரி செய்யும் ஒருவரைக் கொள்ளையடித்த சமீபத்திய கொள்ளை வழக்கில் அவா் தேடப்பட்டாா். அக்டோபா் 27 அன்று தென்கிழக்கு தில்லியில் உள்ள அஸ்தா குஞ்ச் பூங்கா அருகே நடந்த துப்பாக்கிச் சண்டைக்குப் பிறகு, ஆயுத சப்ளையா் தேஜாஸ் என்கிற பாரத்தை போலீஸாா் கைது செய்தனா்.