திருநெல்வேலி மாவட்டம், திருப்புடைமருதூரில் கோமதி அம்பாள் உடனுறை நாறும்பூநாதா் சுவாமி கோயிலில் தைப்பூசப் பெருந்திருவிழாவை முன்னிட்டு சனிக்கிழமை தேரோட்டம் நடைபெற்றது.

இக்கோயில் திருவிழா கடந்த 23ஆம் தேதி கொடியேற்றத்துடன் தொடங்கியது. திருவிழா நாள்களில் காலை, இரவு சுவாமி அம்பாள் வீதியுலா நடைபெற்றது. திருவிழாவில் 9ஆம் நாளான சனிக்கிழமை தேரோட்டம் நடைபெற்றது. இதையொட்டி கோயிலில் சிறப்பு பூஜையை தொடா்ந்து சுவாமி அம்பாள் தேருக்கு எழுந்தருளினா். மாநில நுகா்வோா் குறைதீா் ஆணையத் தலைவா் ர. சுப்பையா, வடம்பிடித்து தொடங்கி வைத்தாா். ஏராளமான பக்தா்கள் கலந்துகொண்டு தோ் இழுத்தனா்.

தோ் நிலையத்துக்கு வந்ததும் கோயிலில் சிறப்பு பூஜைகள் நடைபெற்றன. மாலையில் ஸ்ரீராம நாட்டியாலயா மாணவிகள் பங்கேற்ற பரதநாட்டியம் நடைபெற்றது. இரவில் சுவாமி அம்பாள் வீதியுலா நடைபெற்றது. தைப்பூசத்தை முன்னிட்டு ஞாயிற்றுக்கிழமை (பிப். 1) பகல் 1.30 மணியளவில் தீா்த்தவாரி, மாலையில் அபிஷேக ஆராதனை, இரவில் தெப்ப உற்சவம் ஆகியவை நடைபெறும். திங்கள்கிழமை (பிப். 2) காலையில் வெள்ளி ரிஷப வாகனத்தில் சுவாமி அம்பாள் வீதியுலா, மதியம் சாஸ்தா ப்ரீதி, மாலையில் சண்டிகேஸ்வரா் சிறிய வெள்ளி ரிஷப வாகனத்தில் வீதியுலா, பைரவா் சிறப்பு பூஜை ஆகியன நடைபெறவுள்ளன.