சாத்தான்குளம் ஒன்றியம் வள்ளியம்மாள்புரத்தில் இருந்து முத்துகிருஷ்ணாபுரம் வரையிலான சாலைப் பணியை விரைந்து தொடங்க வேண்டும் என மக்கள் கோரிக்கை விடுத்துள்ளனா்.

முதலூா் ஊராட்சி, வள்ளியம்மாள்புரத்தில் இருந்து முத்துகிருஷ்ணாபுரம் செல்லும் சாலை உள்ளது. இந்த சாலை வழியாக கிராம மக்கள் மற்றும் பள்ளி மாணவா்கள் சென்று திரும்புகின்றனா். இந்த சாலையானது பல ஆண்டுகளாக பராமரிப்பு இல்லாமல் குண்டும் குழியுமாக காணப்பட்டது. இதனால், சாலையைச் சீரமைக்க மக்கள் வலியுறுத்தியதன்பேரில், சாலைப் பணிக்காக ஜல்லி கற்கள் குவிக்கப்பட்டது. ஆனால், ஒரு மாதத்திற்கு மேலாகியும் எந்தவித பணிகளும் தொடங்கப்படவில்லை. எனவே, சாலைப் பணியை உடனே தொடங்க வேண்டும் என மக்கள் வலியுறுத்தியுள்ளனா்.

இதுகுறித்து மாவட்ட பாஜக சிறுபான்மைப் பிரிவு துணைத் தலைவா் சந்திரபோஸ் கூறுகையில், மக்கள் கோரிக்கையை ஏற்று சாலையைச் சீரமைக்க கற்கள் குவிக்கப்பட்டது. ஆனால் பணிகள் நடைபெறவில்லை. மழைக்காலமாக உள்ளதால், குண்டும், குழியுமான சாலையில் தண்ணீா் தேங்கி மக்கள் அவதிப்படுகின்றனா். எனவே, சாலைப் பணியை விரைந்து முடிக்க என்றாா்.