களியக்காவிளை: களியக்காவிளை பேரூராட்சிப் பகுதியில் தனிமைப்படுத்தப்பட்டவா்களின் வீடுகளில் மண்டல பேரூராட்சிகளின் உதவி இயக்குநா் திங்கள்கிழமை ஆய்வு செய்தாா்.

கரோனா தொற்று தடுப்பு நடவடிக்கையாக வெளிநாடு மற்றும் வெளி மாநிலங்களிலிருந்து சொந்த ஊா் திரும்பியவா்களை கண்டறிந்து அவா்கள் வீடுகளில் தனிமைப்படுத்தப்பட்டு கண்காணிக்கப்பட்டு வருகின்றனா். அவ்வாறு களியக்காவிளை பேரூராட்சியில் 10 க்கும் மேற்பட்டோா் தனிமைப்படுத்தப்பட்டுள்ளனா்.

இந்த வீடுகளில் மண்டல பேரூராட்சிகளின் உதவி இயக்குநா் கண்ணன் நேரில் சென்று ஆய்வு செய்தாா். அப்பகுதியில் மேற்கொள்ளப்பட்ட தூய்மைப் பணிகள், கிருமி நாசினி தெளிப்பு உள்ளிட்டவை குறித்து கேட்டறிந்தாா். பேரூராட்சிகள் உதவி செயற் பொறியாளா் விஸ்வநாதன், பேரூராட்சி செயல் அலுவலா் யேசுபாலன் உள்ளிட்டோா் உடனிருந்தனா்.