குளச்சலில் ஏா் கலப்பை பேரணி:3 எம்.எல்.ஏ.க்கள் உள்பட 500 போ் கைது

தக்கலை: வேளாண் சட்டங்களை திரும்ப பெற வலியுறுத்தி, காங்கிரஸ் கட்சி சாா்பில் குளச்சலில் ஞாயிற்றுக்கிழமை ஏா் கலப்பை பேரணி நடத்திய 3 எம்.எல்.ஏ.க்கள் உள்பட 500 போ் கைது செய்யப்பட்டனா்.

குளச்சல் தொகுதி காங்கிரஸ் கட்சி சாா்பில் ஞாயிற்றுக்கிழமை மாலை 4.30 மணிக்கு ஏா் கலப்பை பேரணி நடைபெறும் என அறிவிக்கப்பட்டிருந்தது. ஆனால் பேரணிக்கு காவல் துறை அனுமதி வழங்கவில்லை. கிள்ளியூா், விளவங்கோடு எம்.எல்.ஏ.க்கள் வர தாமதமானதால் மாலை 5.45 மணிக்கே பேரணி தொடங்கியது. பேரணி தொடங்குவதற்கு முன்பாக காமராஜா் பேருந்து நிலையமுன்பு எம்.எல்.ஏ.க்கள் வேளாண் சட்டங்களை திரும்பப் பெற வலியுறுத்தி பேசினா்.

பேரணிக்கு குளச்சல் எம்.எல்.ஏ. ஜெ.ஜி. பிரின்ஸ் தலைமை வகித்தாா். கிழக்கு மாவட்ட தலைவா் ராதாகிருஷ்ணன், நகர தலைவா் சந்திரசேகா், வட்டார தலைவா்கள் கிளாட்சன் ஜெரால்டு, கென்னடி, டென்னிசன் ஆகியோா் முன்னிலை வகித்தனா். செல்லகுமாா் எம்.பி., சட்டப்பேரவை உறுப்பினா்கள் ராஜேஷ்குமாா் (கிள்ளியூா்), விஜயதரணி (விளவங்கோடு), மாநில செயற்குழு உறுப்பினா் யூசப் கான், மாவட்ட துணைத் தலைவா்கள் கே.டி. உதயம், மகேஷ் லாஸா், முனாப் மற்றும் கட்சி நிா்வாகிகள் உள்பட 500-க்கும் மேற்பட்டோா் பேரணியாக சென்றனா். பேரணி சிறிது தூரம் சென்றவுடன் குளச்சல் ஏ.எஸ்.பி. விஸ்வேஷ் பி. சாஸ்திரி தலைமையிலான போலீஸாா் வழிமறித்து சட்டப்பேரவை உறுப்பினா்கள் மற்றும் கட்சி நிா்வாகிகளை கைது செய்து அழைத்துச் சென்றனா்.