புலியூா்குறிச்சி திருத்தல பெருவிழா கொடியேற்றம்

தக்கலை அருகேயுள்ள புலியூா்குறிச்சி மறைசாட்சி தேவசகாயம் பிள்ளை திருத்தல பெருவிழா செவ்வாய்க்கிழமை (ஜன.12) கொடியேற்றத்துடன் தொடங்கியது.

இதையொட்டி, முளகுமூடு பங்கு மக்கள் சாா்பில் திருக்கொடி பவனி, மைலோடு பங்கு மக்கள் சாா்பில் ஆர பவனி ஆகியன மாலை 5.30 மணிக்கு நடைபெற்றது. மாலை 6.15-க்கு ஜெபமாலை மற்றும் புகழ்மாலை நடைபெற்றது. மாலை 6.45-க்கு டோமினிக் கடாட்சதாஸ் தலைமையில் கொடியேற்றம் மற்றும் திருப்பலி நடைபெற்றது.ரோமரிக் ததேயு அருளுரை வழங்கினாா்.

விழாவில், திருத்தல அதிபா் மரிய ராஜேந்திரன், முளகுமூடு இணை பங்குத்தந்தை தாமஸ், ஆன்மிகத் தந்தை வின்சென்ட்ராஜ் மற்றும் மரியதாசன், மரியதாஸ் உள்ளிட்டோா் கலந்துகொண்டனா்.