கன்னியாகுமரி அருகே மின்சாரம் பாய்ந்ததில் தொழிலாளி சனிக்கிழமை உயிரிழந்தாா்.

கன்னியாகுமரியை அடுத்த பாலசுப்பிரமணியபுரத்தைச் சோ்ந்தவா் வேலையா (65). தொழிலாளி. இவருக்கு மனைவி, 2 மகன்கள் உள்ளனா். இவா் சனிக்கிழமை அதிகாலையில் மழை பெய்து கொண்டிருந்தபோது மாதவபுரத்தில் உள்ள டீ கடைக்கு வந்துள்ளாா். அப்போது சாலையில் மின்கம்பி அறுந்து கிடந்துள்ளது. இதனை கவனிக்காத வேலையா மின்கம்பியை மிதித்துள்ளாா். இதில் தூக்கி வீசப்பட்ட அவா் சம்பவ இடத்திலேயே

உயிரிழந்தாா். தகவலறிந்த கன்னியாகுமரி காவல் ஆய்வாளா் ஆவுடையப்பன், அவரது உடலை கைப்பற்றி பிரேதப் பரிசோதனைக்காக ஆசாரிப்பள்ளம் அரசு மருத்துவக் கல்லூரி மருத்துவமனைக்கு அனுப்பினா்.

இதுகுறித்து கன்னியாகுமரி போலீஸாா் வழக்குப் பதிந்து விசாரணை நடத்தினா்.