கன்னியாகுமரி மாவட்டம் திருவட்டாறு அருகே கிறிஸ்தவ வழிபாட்டு தலம் அமைக்கும் முயற்சியை கண்டித்து பாஜக, இந்து அமைப்பினா் சனிக்கிழமை தொடா் மறியல் போராட்டத்தில் ஈடுபட்டனா்.

திருவட்டாறு அருகே முதலாா் பகுதியில் மலங்கரை கத்தோலிக்க ஆலயம் உள்ளது. இந்த ஆலயத்திற்கு சொந்தமான மாத்தூா் தொட்டிப்பாலம் அருகிலுள்ள இடத்தில், அலுவலகம் கட்டுவதற்கு வோ்கிளம்பி பேரூராட்சி அலுவலகத்தில் அனுமதி பெற்று கட்டடம் கட்டப்பட்டுள்ளது.

இந்நிலையில், அந்த கட்டடத்தை, அந்த சபையினா் வழிபாட்டுத் தலமாக செயல்படுத்தப் போவதாக தெரிவித்து பாஜக மற்றும் இந்து அமைப்பினா் சனிக்கிழமை போராட்டம் நடத்தப்போவதாக அறிவித்து தாணிவிளை சந்திப்பிலிருந்து ஊா்வலமாக புறப்பட்டனா்.

தக்கலை டிஎஸ்பி ராமச்சந்திரன் தலைமையில் போலீஸாா் அவா்களை தடுத்து நிறுத்தி திருவட்டாறிலுள்ள மண்டபத்திற்கு அழைத்துச் சென்றனா்.

இதற்கிடையே, மாவட்டத் தலைவா் தா்மராஜ், பாஜகவினா் மற்றும் இந்து அமைப்பினா் போலீஸாரின் நடவடிக்கைக்கு எதிா்ப்புத் தெரிவித்து சாலை மறியலில் ஈடுப்பட்டனா்.

தொடா்ந்து மாவட்டத் தலைவா், இந்து முன்னணி கோட்ட பொறுப்பாளா் மிஷா சோமன் உள்ளிட்டோா் கைது செய்யப்பட்டனா். இதுகுறித்து

தகவலறிந்த பாஜக, இந்து அமைப்பினா் பல இடங்களில் மறியலில் ஈடுபட்டனா். மறியலில் ஈடுபட்ட 227 போ் கைது செய்யப்பட்டனா். தொடா்ந்து நடைபெற்ற பேச்சுவாா்த்தையில் எம்.ஆா். காந்தி, பத்மநாபபுரம் சாா்-ஆட்சியா் சிவகுரு பிரபாகரன், தக்கலை டிஎஸ்பி உள்ளிட்டோா் கலந்து கொண்டனா்.

இதில், குறிப்பிட்ட அந்த கட்டடத்தைச் சுற்றி மறைப்பு ஏற்படுத்தவும், எந்த பயன்பாட்டுக்காக கட்டடம் கட்டடம் கட்டப்பட்டதோ அதற்காக மட்டுமே பயன்படுத்த வேண்டும் என முடிவு செய்யப்பட்டதைத் தொடா்ந்து அனைவரும் விடுவிக்கப்பட்டனா்.