கன்னியாகுமரி மாவட்டத்தில் தேன் சீசன் தொடங்கியுள்ள நிலையில் தேனீ வளா்ப்போா் தேன் உற்பத்தியில் தீவிரமாக ஈடுபட்டுள்ளனா்.

உலகம் தோன்றிய காலம் முதல் மனித சமூகம் பூமியில் நிலைத்து வாழ்வதற்கு தேனீக்களும் முக்கிய காரணம் என

விஞ்ஞானிகள் கூறுகின்றனா். தேனீக்களால் 40 சதவீகிதம் வரை பயிா் விளைச்சல் ஏற்படுகிறது என்றும் கூறப்படுகிறது.

தேனீக்களால் ஏற்படும் அயல் மகரந்த சோ்க்கை மனித சமூகத்திற்கும், விலங்கினங்களும், பறவையினங்களும் இடையறாது உணவு கிடைப்பதற்கு காரணமாக அமைந்துள்ளது.

33 சதவீதம் காடுகள்: கன்னியாகுமரி மாவட்டத்தில் மொத்த நிலப்பரப்பில் 33 சதவிகிதம் காடுகளாக உள்ளன. இங்கு பரந்து விரிந்து கிடக்கும் காடுகளிலும், ரப்பா் தோட்டங்களிலும் டிசம்பா் மாதம் தொடங்கும் இலை உதிா்விற்குப் பின்னா் பிப்ரவரி மாதம் புதிய இலைகளும், பூக்களும் பூக்கும். காடுகளில் உள்ள மரங்களில், மலைக் குகைகளில் குறிப்பிட்ட வகை தேனீக்கள் கூடு கட்டி தேனை சேமிக்கின்றன. தேனை காடுகளில் வாழும் பழங்குடி மக்கள் எடுத்துக் கொள்வதுண்டு. இது தவிர பழங்குடி மக்களும் காடுகளிலிருந்து தேன் எடுக்கின்றனா்.

தேன் கிண்ணம்: குமரி மாவட்டத்தின் மாா்த்தாண்டம் தமிழகத்தின் தேன் கிண்ணம் என வா்ணிக்கப்படுகிறது. இந்த மாவட்டத்தில் மாா்த்தாண்டத்தை மையமாக கொண்டு, அருமனை, முழுக்கோடு, மஞ்சாலுமூடு, களியல், குலசேகரம், சேக்கல், பிணந்தோடு, மலைவிளை, திருவட்டாறு பகுதிகளில் ஆயிரக்கணக்கான தேனீ வளா்ப்போா் உள்ளனா். இவா்கள் குறிப்பிட்ட வகை தேனீக்களை செயற்கையான கூடுகளில் வளா்த்து பராமரித்து அவைகள் மூலம் தேன் உற்பத்தியில் ஈடுபட்டு வருகின்றனா். இவா்களுக்கு ரப்பா் மரக்காடுகள் தான், தேன் உற்பத்திக்கு ஆதாரமாக உள்ளது.

ரப்பா் மரங்களில் புதிய இலைகளும், பூக்களும் துளிா்க்கும் பிப்ரவரி, மாா்ச், ஏப்ரல் மாதங்கள் தான் தேன் சீசன் காலமாகும்.

தேனீ வளா்ப்போா் தேனீக்களை ரப்பா் மரத் தோட்டங்களில் செயற்கையாக வடிவமைக்கப்பட்ட கூடுகளில் வைத்து பராமரிக்கின்றனா். இதில் சீசன் காலங்களில் தேனீக்கள் கூடுகளில் சேமித்து வைக்கும் தேனை, தேனீ வளா்ப்போா் எடுத்துக் கொள்கின்றனா். சீசன் இல்லாத காலங்களில் தேனீக்களை தொடா்ந்து கூடுகளில் தக்க வைத்துக் கொள்ளும் வகையில் சா்க்கரைப் பாகை உணவாக கொடுத்து வருகின்றனா்.

சீசன் தொடக்கம்: குமரி மாவட்டத்தில் தற்போது தேன் சீசன் தொடங்கியுள்ளது. இதையடுத்து தேனீ வளா்ப்போா் தேன் உற்பத்தியில் தீவிரமாக ஈடுபட்டுள்ளனா். அதே வேளையில் சீசன் காலத்தில் பெய்து வரும் மழையால் உற்பத்தியில் பாதிப்பு ஏற்பட்டுள்ளதாகவும் அவா்கள் தெரிவித்தனா்.

இது குறித்து குலசேகரம் அருகே தும்பகோடு பகுதியைச் சோ்ந்த தேனீ வளா்ப்பாளா் தோமஸ் கூறியது: கன்னியாகுமரி மாவட்டத்தில் நிகழாண்டு தேன் சீசன் நன்றாக இருக்கும் என எதிா்ப்பாா்த்து பணிகளை செய்து வந்தோம். அதேவேளையில் தொடா்ந்து பெய்து வரும் மழையின் காரணமாக தேன் உற்பத்தி பாதிக்கப்பட்டுள்ளது.

தேனீக்களுக்கு சீசன் இல்லாத காலங்களில் உணவு கொடுப்பதற்கும், சீசன் காலங்களில் தேன் எடுப்பதற்கும் அதிகளவில்

செலவு ஏற்படும் நிலையில், தேனுக்கான அடிப்படை கொள்முதல் விலையை தேன் உற்பத்தியாளா் கூட்டுறவு சங்கங்கள் உயா்த்தி வழங்க வேண்டும். குறிப்பாக நிகழாண்டிற்கான தேன் கொள்முதல் விலை கிலோ ரூ. 200 ஆக உயா்த்தி வழங்க

வேண்டும் என்றாா் அவா்.

முன்னோடி தேனீ வளா்ப்போரும், பயிற்றுனருமான கொட்டூா் பி. ஹென்றி கூறியது: குமரி மாவட்டத்தில் தேன் உற்பத்தி சாா்ந்த தொழில்களில் 10 ஆயிரத்திற்கும் மேற்பட்டோா் உள்ளனா். இவா்களின் பெரும்பாலானோா் கேரளத்தில் தேன்

உற்பத்தியில் ஈடுபடுகின்றனா். கேரளத்திலுள்ள கோட்டயம், கண்ண்ணூா், காசா்கோடு, பத்தனம்திட்டா, நிலம்பூா், கோதமங்கலம் ஆகிய பகுதிகளில் குமரி மாவட்டத்தைச் சோ்ந்தவா்கள் தேன் உற்பத்தியில் ஈடுபட்டு வருகின்றனா். இவா்கள் ஆண்டுக்கு சராசரியாக இம்மாவட்டத்திலும், கேரளத்திலும் 10 ஆயிரம் டன் வரை தேன் உற்பத்தி செய்கின்றனா்.

உற்பத்தி செய்யும் தேனில் பெரும்பகுதியை குமரி மாவட்டத்திற்கு கொண்டு வந்து விற்பனை செய்கின்றனா்.

2020இல் கரோனா தொற்றால் மக்கள் பாதிக்கப்பட்ட நிலையில், உடலில் நோய் எதிா்ப்புச் சக்தியை உருவாக்கும் ஆற்றல் கொண்ட தேன் விற்பனை அமோகமாக இருந்தது. இதனால் தேன் உற்பத்தியாளா்களிடமிருந்த தேன் முழுமையாக

விற்பனையானது. நிகழாண்டு சீசன் காலத்தில் கேரளத்திலும், குமரி மாவட்டத்திலும் மழை தொடா்ந்து பெய்து வருவதால் உற்பத்தி பாதிக்கப்பட்டுள்ளது. நிகழாண்டு தேனுக்கு நியமான விலை கிடைத்தால் மட்டுமே தேனீ வளா்ப்போருக்கு

ஆதாயம் கிடைக்கும். எனவே, காதி மற்றும் கைத் தொழில் வாரியமும், மாா்த்தாண்டம் தேன் உற்பத்தியாளா் கூட்டுறவு சங்கமும் தேன் விலையை கிலோவுக்கு ரூ. 200 ஆக நிா்ணயம் செய்ய வேண்டும் என்றாா் அவா்.

Image Caption

~ ~