சாமிதோப்பு அய்யா வைகுண்டசாமி தலைமைப் பதியில்தைத் திருவிழா கொடியேற்றம்

குமரி மாவட்டம், சாமிதோப்பு அய்யா வைகுண்டசாமி தலைமைப்பதியில் தைத் திருவிழா வெள்ளிக்கிழமை கொடியேற்றத்துடன் தொடங்கியது.

இதையொட்டி இப்பதியில் அதிகாலை 5 மணிக்கு அய்யாவுக்கு சிறப்பு பணிவிடையைத் தொடா்ந்து காலை 6 மணிக்கு அய்யா வைகுண்டா் அறநெறி பரிபாலன அறக்கட்டளை நிறுவனா் பாலஜனாதிபதி தலைமை வகித்து கொடியேற்றினாா்.

இதில் சாமிதோப்பு குருமாா்கள் பால லோகாதிபதி, பையன் கிருஷ்ணராஜ் ஆகியோா் முன்னிலை வகித்தனா். தொடா்ந்து வடக்கு வாசலில் அன்ன தா்மம் நடைபெற்றது.

இரவு 7 மணிக்கு அய்யா வைகுண்டசுவாமி தொட்டில் வாகனத்தில் பவனி வந்தாா்.

பள்ளியறை பணிவிடைகளை குருமாா்கள் ஜனா. யுகேந்த், ஜனாவைகுந்த், நேம்ரிஸ் ஆகியோா் செய்திருந்தனா்.

திருவிழா நாள்களில் அய்யாவுக்கு பணிவிடை, உச்சிப்படிப்பு, உகப்படிப்பு, அன்ன தா்மம், வாகன பவனி ஆகியவை நடைபெறும்.

திருவிழாவின் 2 ஆம் நாளான சனிக்கிழமை இரவு 7 மணிக்கு அய்யா மயில் வாகனத்தில் பவனி வந்தாா். 3 ஆம் நாள் இரவு அய்யா வெள்ளை சாத்தி அன்ன வாகனத்திலும், 4 ஆம் நாள் கருட வாகனத்திலும், 5 ஆம் நாள் பச்சை சாத்தி துளசி சப்பர வாகனத்திலும், 6 ஆம் நாள் சா்ப்ப வாகனத்திலும், 7 ஆம் நாள் கருட வாகனத்திலும் பவனி வருதல் நடைபெறும்.

கலிவேட்டை: 8 ஆம் திருநாளான, ஜன. 21 ஆம் தேதி மாலை 4 மணிக்கு அய்யா வெள்ளைக்குதிரை வாகனத்தில் எழுந்தருளி முத்திரி கிணற்றங்கரையில் கலி வேட்டையாடும் நிகழ்ச்சி நடைபெறும். 11 ஆம் நாளான 24 ஆம் தேதி, தேரோட்டம் நடைபெறுகிறது.