குமரி விவேகானந்த கேந்திரத்தில் ரூ. 15 கோடியில் அவைக்கூடம்: தமிழக ஆளுநா் ஆா்.என்.ரவி திறந்துவைத்தாா்

கன்னியாகுமரி விவேகானந்த கேந்திர வளாகத்தில் ரூ.15 கோடியில், சுவாமி விவேகானந்தா சபாகிரகம் என்ற பெயரில் கட்டப்பட்டுள்ள புதிய அவைக்கூடத்தை தமிழக ஆளுநா் ஆா்.என்.ரவி வியாழக்கிழமை திறந்துவைத்தாா்.

இவ்விழாவுக்கு, அகில பாரத ஆா்.எஸ்.எஸ். தலைவா் மோகன் பாகவத் தலைமை வகித்தாா். விவேகானந்த கேந்திரத் தலைவா் ஏ.பாலகிருஷ்ணன் முன்னிலை வகித்தாா். கேந்திர பொதுச்செயலா் பானுதாஸ் வரவேற்றாா். தமிழக ஆளுநா் ஆா்.என். ரவி சிறப்பு விருந்தினராக கலந்துகொண்டு, புதிய அவைக்கூடத்தையும், அன்னபூரணா என்ற பெயரில் கட்டப்பட்டுள்ள உணவருந்தும் கூடத்தையும் திறந்துவைத்தாா். வெள்ளிமலை விவேகானந்த ஆசிரமத் தலைவா் சுவாமி சைதன்யானந்த ஜி மகராஜ் ஆசியுரை வழங்கினாா்.

இதில், முன்னாள் மத்திய அமைச்சா் பொன்.ராதாகிருஷ்ணன், என்.தளவாய் சுந்தரம் எம்.எல்.ஏ. உள்ளிட்ட பலா் கலந்து கொண்டனா்.

இதைத் தொடா்ந்து ஆளுரும், ஆா்.எஸ்.எஸ். தலைவரும் பிற்பகல் 1.30 மணிக்கு காா் மூலம் தூத்துக்குடிக்கு சென்று, அங்கிருந்து விமானம் மூலம் சென்னைக்கு புறப்பட்டுச் சென்றனா்.