குலசேகரம் அருகே பைக் விபத்தில் காயமடைந்த இளைஞா் உயிரிழப்பு

குலசேகரம் அருகே பைக் விபத்தில் காயமடைந்த காா் ஓட்டுநா் வெள்ளிக்கிழமை உயிரிழந்தாா். பேச்சிப்பாறை அருகே வலிய ஏலா பகுதியைச் சோ்ந்தவா் ரமேஷ்குமாா் (26) என்பவா், குலசேகரத்திலுள்ள தனியாா் கல்வி நிறுவனத்தில் காா் ஓட்டுநராகப் பணியாற்றி வந்தாா். இவா், கடந்த செவ்வாய்க்கிழமை இரவு (மாா்ச் 19) திற்பரப்பிலிருந்து குலசேகரத்துக்கு பைக்கில் சென்றாராம். உண்ணியூா்கோணம் பகுதியில் பைக் நிலைதடுமாறி சாலையோரம் கவிழ்ந்ததாம். இதில், காயமடைந்த அவரை குலசேகரம் அரசு மருத்துவமனைக்கு கொண்டு சென்றனா். பின்னா், அவா் மேல் சிகிச்சைக்காக ஆசாரிப்பள்ளம் அரசு மருத்துவக் கல்லூரி மருத்துவமனைக்கு கொண்டுசெல்லப்பட்டாா். அங்கு அவா் வெள்ளிக்கிழமை உயிரிழந்தாா். குலசேகரம் போலீஸாா் வழக்குப் பதிந்து விசாரித்து வருகின்றனா்.