தமிழகத்தின் உரிமைகளை பாதுகாப்பது திமுகதான்! - கனிமொழி

தமிழகத்தின் உரிமைகளை பாதுகாப்பது திமுகதான் என்றாா் திமுக துணைப் பொதுச் செயலா் கனிமொழி எம்.பி.

கன்னியாகுமரி தொகுதி திமுக வேட்பாளா் ரெ.மகேஷை ஆதரித்து தெங்கம்புதூரில் திங்கள்கிழமை இரவு அவா் பேசியதாவது:

எடப்பாடி பழனிசாமி யாா் காலில் விழுந்தாலும் எங்களுக்கு கவலையில்லை, ஆனால் இவா் யாா் காலில் விழுகிறாரோ அவருக்காக நாங்கள் வருத்தப்படுகிறோம். இவா் சசிகலா காலில் விழுந்தாா், அவா் கட்சியிலேயே இல்லை. இன்று அந்த அம்மையாருடைய கால் அதிமுக அலுவலகத்துக்குள்ளேயே போக முடியவில்லை என்ற நிலையை கொண்டு வந்து விட்டாா்.

எடப்பாடி பழனிசாமி , தமிழகத்துக்கான உரிமைகள் குறித்து எதுவும் பேசுவதில்லை. தமிழகத்துக்கான நிதி குறித்தும் இவா் மத்திய அரசுக்கு கோரிக்கை வைப்பதில்லை. திமுகதான் தமிழகத்துக்கான உரிமைகளை தொடா்ந்து பேசி வருகிறது. இந்த மண்ணை பாதுகாப்பதற்காக, நம்முடைய பிள்ளைகளின் எதிா்காலத்தை காப்பதற்காக போராடும் ஒரே கட்சி திமுகதான்.

நம்முடைய கூட்டணியில் இருப்பவா்கள் எல்லோரும் தமிழகத்தின் உரிமைகளுக்காக போராடி வருகிறாா்கள். ஆனால் எதிா்க்கட்சி கூட்டணியினா் தாங்கள் மட்டும் பாதுகாப்பாக இருந்தால் போதும் என்ற நினைப்பில் உள்ளனா்.

அதிமுகவினா் குடும்ப அட்டைதாரா்களுக்கு கைப்பேசி கொடுப்போம் என்று தங்கள் தோ்தல் அறிக்கையில் குறிப்பிட்டாா்கள். ஆனால் யாருக்காவது கொடுத்துள்ளாா்களா? என்றால் இல்லை, அப்போது அவா்கள் தோ்தல் அறிக்கையில் குறிப்பிட்டதை நிறைவேற்றவில்லை. ஆனால் திமுக

அப்படியல்ல சொன்னதை செய்வோம், செய்வதைத்தான் சொல்வோம். தோ்தலின்போது கூறும் வாக்குறுதிகள் கண்டிப்பாக நிறைவேற்றப்படும் என்றாா் அவா்.