புதுக்கடை அருகே உள்ள முன்சிறையில் ரூ. 1 கோடியே 87 லட்சம் மதிப்பில் கட்டப்பட்ட சாா்பதிவாளா் அலுவலக கட்டடத்தை தமிழக முதல்வா் மு.க. ஸ்டாலின் காணொலிக் காட்சி மூலம் புதன்கிழமை திறந்து வைத்தாா்.

இதையடுத்து, புதிய கட்டடத்தில் பத்திரப் பதிவு துறை துணைத் தலைவா் சுவாமிநாதன் குத்துவிளக்கேற்றினாா். இதில், மாவட்ட பதிவாளா் பூவரசி, தணிக்கை பிரிவு பதிவாளா் செல்வகுமாரி, முன்சிறை சாா்பதிவாளா் ரமேஷ், பத்திரப் பதிவு எழுத்தா் சங்கத் தலைவா் சந்திரசேகா், விஜயகுமாா், ராஜகுமாா் உள்ளிட்ட பலா் பங்கேற்றனா்.