தென்காசி: தென்காசி தமுமுக (ஹைதா்அலி) 9ஆவது வாா்டு கிளையின் சாா்பில் ஆபாத் பள்ளிவாசல் முன் கபசுர குடிநீா் மற்றும் முகக் கவசம் வழங்கப்பட்டது.

கிளைத் தலைவா் ஜெய்லானி தலைமை வகித்தாா். மாநில தொண்டரணி துணைச் செயலா் கோகோ அலி முகாமை தொடங்கி வைத்தாா். தமுமுக மருத்துவ சேவை அணி மாவட்டச் செயலா் முகமதுகாமில், தென்காசி நகரத் தலைவா் அபாபில் மைதீன், நகரச் செயலா் ஜாபா் ஷரீப், நகர துணைத் தலைவா் அப்துல் ரஹ்மான், நகர மருத்துவ சேவை அணி செயலா் அபுபக்கா்சித்திக், தென்காசி நகர துணைச் செயலா் பசீா் ஆகியோா் முன்னிலை வகித்தனா்.

தமுமுக மாவட்டப் பொருளாளா் செங்கை ஆரிப், மாவட்ட துணைச் செயலா் சலீம் ஆகியோா் சுகாதார விழிப்புணா்வு குறித்து பேசினா். கொதுவுமைதீன், முபிஸ், கனி, நவாஸ் ஆகியோா் கலந்து கொண்டனா்.ஷாஜகான் நன்றி கூறினாா்.