‘பட்டதாரிகளுக்கு இலவச திறன் மேம்பாட்டுப் பயிற்சிகள்’

தென்காசி மாவட்டம் கடையநல்லூா் தொகுதி முழுவதும் இளைஞா்களுக்கு திறன் மேம்பாட்டுப் பயிற்சிகள் இலவசமாக வழங்கப்படும் என்றாா், முஸ்லிம் லீக் வேட்பாளா் முஹம்மது அபூபக்கா்.

திமுக கூட்டணி சாா்பில், இருசக்கர வாகனப் பிரசாரம் செங்கோட்டை முதல் கடையநல்லூா் வரை விஸ்வநாதபுரம், பண்பொழி, வடகரை, அச்சன்புதூா், நெடுவயல், இடைகால் உள்ளிட்ட பகுதிகள் வழியாக நடைபெற்றது. அப்போது வேட்பாளா் முஹம்மது அபூபக்கா் வாக்கு சேகரித்து பேசியது: தொகுதியின் எல்லையான புளியரை பகுதியில் ஒருங்கிணைந்த சோதனைச் சாவடி அமைக்க நடவடிக்கை மேற்கொள்ளப்படும். பட்டதாரி இளைஞா்கள் வேலைவாய்ப்பு பெறும் வகையில் அவா்களின் திறன்களை மெருகூட்ட தொகுதி முழுவதும் திறன் மேம்பாட்டு பயிற்சிகள் இலவசமாக நடத்தப்படும். 60 வயதுக்கு மேற்பட்டோருக்கு உதவித்தொகை வழங்கப்படும். மேலும், விவசாயம் சாா்ந்த தொழிற்சாலைகள் நிறுவ நடவடிக்கை மேற்கொள்ளப்படும் என்றாா் அவா்.

திமுக மாவட்ட பொறுப்பாளா் செல்லத்துரை, ஒன்றியச் செயலா் ரவிசங்கா், சாா்பு அணி நிா்வாகிகள் ஆறுமுகசாமி, செந்தூா்பாண்டியன், முஸ்லிம் லீக் நிா்வாகிகள் செய்யது சுலைமான், இக்பால் நவாஸ்கான், கடாபி உள்ளிட்டோா் கலந்துகொண்டனா்.