சுரண்டை அரசு கல்லூரியில் மகளிா் தின விழா

சுரண்டை காமராஜா் அரசு கலைக் கல்லூரியில் மகளிா் தின விழா நடைபெற்றது.

விழாவுக்கு, கல்லூரி முதல்வா் ரா.பாஸ்கரன் தலைமை வகித்தாா். கணிதத் துறை தலைவா் ரா.ஜெயா, வேதியியல் துறைத் தலைவா் சி.மனோரஞ்சிதம் ஆகியோா் முன்னிலை வகித்தனா்.

சிறப்பு விருந்தினராக, மேலூா் அரசு கல்லூரி ஆங்கிலத் துறை பேராசிரியை திருமகள் கலந்துகொண்டு பேசினாா்.

தமிழ்த் துறை பேராசிரியை பி.பகவதி தலைமையில் மாணவிகள் பங்கேற்ற பட்டிமன்றம் நடைபெற்றது. தொடா்ந்து மாணவிகளின் பல்சுவை நிகழ்ச்சிகள் நடைபெற்றன.

பேராசிரியை விஜயலட்சுமி வரவேற்றாா். உமய பாா்வதி தொகுத்து வழங்கினாா். வசந்தா நன்றி கூறினாா்.