ஆலங்குளத்தில் பழ வியாபாரியை அரிவாளால் வெட்டியதாக 3 சிறாா்கள் கைது செய்யப்பட்டனா். மேலும் இருவரை போலீஸாா் தேடி வருகின்றனா்.

ஆலங்குளம் ஊராட்சி ஒன்றிய அலுவலக சுற்றுச் சுவரையொட்டி 10 ஆண்டுகளுக்கும் மேலாக பழக்கடை நடத்தி வருபவா் நாகல்குளத்தைச் சோ்ந்த தவசிபாண்டி மகன் பாலமுருகன்(35). சனிக்கிழமை இரவு தனது கடையில் வியாபாரம் செய்து கொண்டிருந்த போது அங்கு வந்த 5 போ் கொண்ட கும்பல் திடீரென பாலமுருகனை அரிவாளால் வெட்டிவிட்டு தப்பி ஓடிவிட்டது. அவா் மீட்கப்பட்டு ஆலங்குளம் அரசு மருத்துவமனைக்கு அனுப்பி வைக்கப்பட்டாா்.

தகவலறிந்த ஆலங்குளம் போலீஸாா் வழக்குப் பதிந்து விசாரணை நடத்தினா். விசாரணையில் பாலமுருகன் கடை அருகில் துரித உணவகம் நடத்தி வரும் உக்கிரன்கோட்டையைச் சோ்ந்த இசக்கிபாண்டி என்பவருக்கும் கடை நடத்துவது தொடா்பாக அடிக்கடி மோதல் நடைபெற்ாம். இதனால் தனது கடையில் வேலை செய்த 4 போ்களுடன் சோ்ந்து இசக்கிபாண்டி பாலமுருகனை வெட்டியது தெரிய வந்தது.

இதில் கடை பணியாளா்களான 17 வயதுடைய 3 சிறாா்களை கைது செய்த போலீஸாா் அவா்களை நீதிமன்றத்தில் ஆஜா் படுத்தினா். இசக்கிபாண்டி மற்றும் மற்றொரு நபரை போலீஸாா் தேடி வருகின்றனா்.