புளியங்குடி பாலசுப்பிரமணியசுவாமி கோவிலில் தேரோட்டம்

புளியங்குடி அருள்மிகு பாலசுப்பிரமணியசுவாமி கோவிலில் ஞாயிற்றுக்கிழமை நடைபெற்ற தேரோட்டத்தில் திரளானோர் கலந்து கொண்டனர்.

இக்கோவிலின் தைத்தேரோட்ட திருவிழா கடந்த 18-ம் தேதி கொடியேற்றத்துடன் தொடங்கியது.10 நாட்கள் நடைபெறும் இவ்விழாவில் தினமும் சுவாமி திருவீதி உலாவும்,சிறப்பு பூஜைகளும் நடைபெற்றன.விழாவின் முக்கிய நிகழ்வான தேரோட்டம் ஞாயிற்றுக்கிழமை நடைபெற்றது.இதில் செயல்அலுவலர்(பொ) ராமராஜூ,நகர்மன்றத் தலைவர் சங்கரபாண்டியன்,சிவகிரி வட்டாட்சியர் புகாரி,பி.எஸ்.சங்கரநாராயணன்,சித்துராஜ் உள்ளிட்ட திரளானோர் கலந்து கொண்டனர்.