விவி கல்லூரியில் விளையாட்டு போட்டிகள் இன்று தொடக்கம்

திசையன்விளை விவி பொறியியல் கல்லூரியில்  தென் மாவட்ட அளவில் பள்ளிகளுக்கிடையே மூன்று நாள்கள் நடைபெறும் விளையாட்டு போட்டிகள் வியாழக்கிழமை(அக்.12) தொடங்குகிறது.
 இந்த விளையாட்டு போட்டிகளில் மதுரை, விருதுநகர், தூத்துக்குடி, திருநெல்வேலி, கன்னியாகுமரி ஆகிய மாவட்டங்களில் இருந்து பள்ளி மாணவர்,  மாணவிகள் கலந்துகொள்கின்றனர்.
 கோ-கோ, கைப்பந்து, சதுரங்கம், டேபிள் டென்னிஸ், எறிபந்து, கூடைப்பந்து உள்ளிட்ட விளையாட்டு போட்டிகள் நடைபெறுகிறது. ஏற்பாடுகளை  கல்லூரி முதல்வர் பத்மநாபன், இயக்குநர் சுந்தர பாண்டி மற்றும் உடற்கல்வி இயக்குநர்கள் ஜாண்சன், சாம்சன் ஆபிரகாம், மெர்சி ஆகியோர் செய்துள்ளனர்.