மேலப்பாளையத்தில் மூதாட்டியிடம் நகை பறித்தவர் கைது செய்யப்பட்டார். 
மேலப்பாளையம் அக்பர் தெருவைச் சேர்ந்தவர் அப்பாஸ்.  இவருடைய மனைவி மைதீன் பாத் (82).    கடந்த 14-ஆம் தேதி வீட்டில் தனியாக இருந்தபோது,  வீட்டுக்குள் புகுந்த ஒருவர்,  அவர்  கழுத்தில் அணிந்திருந்த 7 பவுன் தங்கச் சங்கிலியைப்  பறித்துச் சென்றாராம். இதுகுறித்த புகாரின்பேரில், மேலப்பாளையம் குற்றப்பிரிவு போலீஸார் வழக்குப் பதிந்து,   அதே பகுதியைச் சேர்ந்த,  அவரது உறவினருமான பாதுஷாவை (44) கைது செய்து, அவரிடமிருந்து 5.5 பவுன் நகையை மீட்டனர்.