தென்காசி திருவள்ளுவா் தொடக்கப் பள்ளியில் மருத்துவ ஆலோசனை முகாம் நடைபெற்றது.

குற்றாலம் ரோட்டரி எலைட் கிளப், டாக்டா் அருள் பல், முக சீரமைப்பு, முடி, அறுவைச் சிகிச்சைகள் சாா்பில் நடைபெற்ற முகாமுக்கு, ரோட்டரி தலைவா் மும்பை முருகேசன் தலைமை வகித்தாா். பட்டயத் தலைவா் கனகசபை, ராமகிருஷ்ணன், பள்ளித் தலைமையாசிரியா் செல்வி, பொறியாளா் மாரிமுத்து ஆகியோா் முன்னிலை வகித்தனா்.

டாக்டா் அப்துல்அஜீஸ் முகாமைத் தொடக்கிவைத்தாா். டாக்டா் அருள்செல்லப்பா தலைமையிலான மருத்துவக் குழுவினா் ஆலோசனைகள் வழங்கினா். முகாமில், திருவள்ளுவா் தொடக்கப் பள்ளி மாணவா்-மாணவிகளுக்கு பல், முக சீரமைப்பு, முடிஉதிா்வு பற்றிய ஆலோசனைகள், மருந்துகள் வழங்கப்பட்டன.

முகாமில், ராஜாமுகம்மது, குமாா், முருகன், முருகையா, சுடலையாண்டி, ராமையா, வேல்சாமி ஆகியோா் பங்கேற்றனா். ரோட்டரி பொருளாளா் கூட்டுறவுத் துறை மாரிமுத்து நன்றி கூறினாா்.