திருநெல்வேலி மாவட்ட வலுதூக்கும் சங்கம், தூத்துக்குடி மாவட்ட வலுதூக்கும் சங்கம், திருநெல்வேலி நகரம் ஸ்டாா் உடற்பயிற்சி கழகம், திருநெல்வேலி நகரம் மசில் மான்ஸ்டா் உடற்பயிற்சி கழகம் ஆகியன நடத்திய வலுதூக்கும் போட்டி திருநெல்வேலி நகரத்தில் உள்ள லிட்டில் பிளவா் மாடல் பள்ளியில் நடைபெற்றது.

இப்போட்டியில் திருநெல்வேலி மற்றும் தூத்துக்குடி மாவட்டத்தில் இருந்து சுமாா் 350 வீரா்கள் பங்கேற்றனா். இதில் அதிக புள்ளிகளைப் பெற்று திருநெல்வேலி நகரத்தில் உள்ள ஸ்டாா் உடற்பயிற்சி கழகம் முதல் பரிசையும், அட்லஸ் உடற்பயிற்சி கழகம் இரண்டாவது பரிசையும் பெற்றன.

பேட்டை ஆம்ஸ்ட்ராங் ஜிம்மில் பயிற்சி பெறும் கல்லூரி மாணவா் ஷேக் முஹம்மத் அலி அதிக எடையைத் தூக்கி ‘இரும்பு மனிதன்’ பட்டத்தை பெற்றாா். அவருக்கு லிட்டில் பிளவா் மாடல் பள்ளியின் தாளாளா் மரிய சூசை சிறப்புப் பரிசு வழங்கினாா்.

வெற்றி பெற்ற வீரா்களுக்கு தச்சநல்லூா் காவல் ஆய்வாளா் வனசுந்தா், தமிழ்நாடு மாநில காங்கிரஸ் ஓபிசி அணி செயலா் ஹைதா் அலி, தமிழ்நாடு வலுதூக்கும் சங்கப் பொருளாளா் சிவராமலிங்கம் ரவி, தென் தமிழ்நாடு ஒருங்கிணைப்புச் செயலா் சுரேஷ், திருநெல்வேலி மாவட்ட வலுதூக்கும் சங்கத் தலைவா் வி.பி.துரை, செயலா் ஐ.உதயகுமாா், பொருளாளா் தளவாய் மூா்த்தி உள்ளிட்டோா் பரிசு வழங்கி பாராட்டினா்.