புளியங்குடி பகுதியில் 2 டன் ரேஷன் அரிசி பறிமுதல் செய்யப்பட்டது.
புளியங்குடி காவல் உதவி ஆய்வாளர் தர்மராஜ் தலைமையிலான போலீஸார் செவ்வாய்க்கிழமை நள்ளிரவு பகுதியில் ரோந்து சென்றனர். 
அப்போது கற்பக வீதி பகுதியில் நின்று கொண்டு இருந்த ஆட்டோவை சோதனையிட்டதில் அதில் 2 டன் ரேஷன் அரிசி இருப்பது தெரியவந்தது. இதையடுத்து உணவு பொருள் கடத்தல் தடுப்பு துறையினருக்கு போலீஸார் தகவல் தெரிவித்தனர்.
 இதைத் தொடர்ந்து உணவு கடத்தல் தடுப்பு பிரிவு போலீஸார் ரேஷன் அரிசியை பறிமுதல் செய்து ஆட்டோ டிரைவர் கார்த்திக் மற்றும் காசிராஜன், தாமரைச்செல்வன், சுரேஷ் ஆகியோரிடம் விசாரணை மேற்கொண்டு வருகின்றனர்.