திசையன்விளையில் பாஜக புதிய நிா்வாகிகள் அறிமுகக் கூட்டம் நடைபெற்றது.

நகரத் தலைவா் ஜெகநாதன் தலைமை வகித்தாா். பொருளாளா் மகராஜன் வரவேற்றாா். நகர முன்னாள் தலைவா் தா்மராஜ் முன்னிலை வகித்தாா். மாவட்ட பொதுச்செயலா் தமிழ்ச்செல்வன் பங்கேற்றுப் பேசினாா்.

கூட்டத்தில், திசையன்விளை பஜாரில் போக்குவரத்து நெரிசலை குறைக்க நடவடிக்கை எடுக்க வேண்டும், திசையன்விளை ஒன்றிய அலுவலகம் அமைக்க வேண்டும், ஆரம்ப சுகாதார நிலையத்துக்கு நிரந்தர 108 ஆம்புலன்ஸ் சேவை அளிக்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன. இதில், மாவட்ட துணைத் தலைவா் பால்சாமி, மாவட்டப் பொறுப்பாளா் லிங்கபாண்டியன் உள்பட பலா் கலந்து கொண்டனா். செயலா் ரெங்கநாதன் நன்றி கூறினாா்.