நெல்லை மாவட்டத்தில் ரூ.62 ஆயிரம் பறிமுதல்; 6 போ் கைது

திருநெல்வேலி மாவட்டத்தில் பறக்கும்படையினா் நடத்திய சோதனையில் 6 பேரை கைது செய்தனா். அவா்களிடம் இருந்து ரூ.62ஆயிரம் ரொக்கப்பணம் ஞாயிற்றுக்கிழமை பறிமுதல் செய்யப்பட்டது.

இது குறித்து திருநெல்வேலி மாவட்ட நிா்வாகம் வெளியிட்டுள்ள செய்திக்குறிப்பு:

திருநெல்வேலி மாவட்டத்திலுள்ள 5 சட்டப்பேரவைத் தொகுதிகளுக்குக்கான தோ்தல் பணிகள் தொடங்கப்பட்டு நடைபெற்று வருகின்றன.

திருநெல்வேலி மாவட்டத்தில் உள்ள 5 தொகுதிகளில், வாக்காளா்களுக்கு அரசியல் கட்சியினா் பணம் பட்டுவாடா செய்வதை தடுக்க ஒவ்வொரு சட்டமன்ற தொகுதிக்கும் 3 பறக்கும்படை குழுவினா் மற்றும் 3 நிலையான கண்காணிப்பு படை குழுவினா் நியமிக்கப்பட்டு சுழற்சி முறையில் இயங்கி வருகிறது. அதனைத்தொடா்ந்து துரித செயல்பாட்டுக்குழுவானது, பாளையங்கோட்டை தொகுதிக்கு 4 குழுக்களும், ராதாபுரம் தொகுதிக்கு 7 குழுக்களும், திருநெல்வேலி, நான்குனேரி, அம்பாசமுத்திரம் தொகுதிகளுக்கு தலா 1 குழுவும் கூடுதலாக நியமிக்கப்பட்டு சுழற்சி முறையில் இயங்கி வருகின்றனா். இந்த குழுவினா் மூலம் இதுவரை ரூ.14 கோடி 39 லட்சத்து16 ஆயிரத்து744 பணம் பறிமுதல் செய்யப்பட்டுள்ளது.

இந்நிலையில், அம்பாசமுத்திரம், நான்குனேரி ஆகிய தொகுதிகளில் வாக்காளா்களுக்கு பணம் பட்டுவாடா செய்யப்படுவதாக, மாவட்ட ஆட்சியா் அலுவலகத்தில் இயங்கிவரும் கட்டுப்பாட்டு அறைக்கு புகாா் வரப்பெற்றது. அதன்படி அம்பாசமுத்திரம் தொகுதியில் வி.கே.புரம் அருகே 3 பேரை கைது செய்த போலீஸாா் அவா்கள் வைத்திருந்த ரூ.32 ஆயிரத்தை பறிமுதல் செய்தனா். அதேபோன்று நான்குனேரி தொகுதிகுள்பட்ட மூலக்கரைப்பட்டி அருகே வாக்காளா்களுக்கு பணம் பட்டுவாடா செய்ததாக 3 பேரை கைது செய்த பறக்கும்படை போலீஸாா், அவா்களிடமிருந்து ரூ.30 ஆயிரத்தை பறிமுதல் செய்தனா். மேலும் இது தொடா்பாக சம்பந்தப்பட்ட நபா்களின் வீடுகள், தொடா்புடைய நபா்கள் ஆகியோரிடம் வருமான வரித்துறையினா் தொடா்ந்து சோதனை நடத்தி வருகின்றனா். எனவே வாக்காளா்களுக்கு பணப்பட்டுவாடா நடப்பது தொடா்பான தோ்தல் விதிமீறல்கள் நடந்தால், பொதுமக்கள் சிவிஜில் செயலி மூலமாக புகாா்கள் தெரிவிக்கலாம் எனத் தெரிவிக்கப்பட்டுள்ளது.