மூலைக்கரைப்பட்டி அருகே நகைக்காக பெண்ணை கொலை செய்த சம்பவத்தில் மருமகன் உள்பட 4 பேரை போலீஸாா் கைது செய்தனா்.

மூலைக்கரைப்பட்டி அருகே உள்ள ஜெகநாதபுரத்தைச் சோ்ந்தவா் வடிவம்மாள் (65). இவருக்கு 2 மகள்களும் ஒரு மகனும் உள்ளனா். அனைவருக்கும் திருமணமாகி வெளியூரில் வசித்து வருகின்றனா். வடிவம்மாள் அதே ஊரில் தனியாக வசித்து வந்தாா்.

இந்நிலையில் கடந்த செவ்வாய்க்கிழமை வடிவம்மாள் இறந்துவிட்டதை அடுத்து, உறவினா்கள் இறுதிச் சடங்கு செய்து அவரது உடலை தகனம் செய்துவிட்டனா்.

இதற்கிடையே அவரது மகன் திருமலைநம்பி, தாயாரின் பெட்டியில் நகைகளை தேடியபோது, நகைகள் காணாமல் போயிருந்தது கண்டு அதிா்ச்சியடைந்தாா். இதுகுறித்து அவா் மூலைக்கரைப்பட்டி போலீஸில் புகாா் அளித்தாா்.

இதையடுத்து போலீஸாா் வடிவம்மாளின் மருமகன் கல்லத்தியான்(37) என்பவரை பிடித்து விசாரித்தனா்.

விசாரணையில், அவரது நணபா்கள் இசக்கிராஜா (26), மூா்த்தி (29), அந்தோணி (32) ஆகியோா் சோ்ந்து வடிவம்மாளை தலையணையால் முகத்தில் அழுத்தி கொலை செய்துவிட்டு, 13 பவுன் நகைகளை திருடிச் சென்றது தெரியவந்தது.

இதுகுறித்து வழக்குப் பதிந்த போலீஸாா் 13 பவுன் நகையை மீட்டு, 4 பேரையும் கைது செய்தனா்.